Writer & director Kanagala Jayakumar : షూటింగ్ స్పాట్స్ లో మన హీరోలు ఎలా ఉంటారు అంటూ తెలుసుకోవడానికి చాలా మంది ఆసక్తి చూపుతుంటారు. ఆలా పాత తరం హీరోల్లో ఎన్టీఆర్ గారు షూటింగ్స్ లో చాలా సీరియస్ గా ఉంటూ ఆయన పని మీద శ్రద్ధ పెడుతారని అప్పటి వారు చెబుతుంటారు. అలాగే నాగేశ్వరావు గారైతే చాలా సరదాగా జోక్స్ వేస్తూ అందరితోనూ నవ్వుతు ఉంటారని, సెట్లో ఫ్రీగా ఉంటారని చెబుతారు. ఆలా తాజాగా ఏఎన్ఆర్ కి సంబంధించిన ఒక విషయాన్ని కనగాల జయకుమార్ గారు పంచుకున్నారు.

జయప్రద ను ఆలా అనేసారు…

ఏఎన్ఆర్ గారు, జయప్రద గారు నటిస్తున్న ఒక సినిమా షూటింగ్ లో జరిగిన సంఘటనను జయకుమార్ వివరించారు. అప్పట్లో ఆయన అసోసియేట్ డైరెక్టర్ గా పనిచేస్తున్న రోజుల్లో జరిగిన సంఘటన తెలిపారు. షూటింగ్ కోసం ఏఎన్ఆర్ రెడీ అయి కూర్చున్నా ఇంకా జయప్రద గారు సెట్స్ కి రాకపోవడంతో ఒక అసిస్టెంట్ ను పిలిచి త్వరగా రావాలని డైరెక్టర్ చెప్పి పంపారు.

అయితే జయప్రద గారు ఇంకా రెడీ అవుతుండటంతో బట్టలు వేసుకుని వచ్చేస్తాను అంటూ చెప్పి పంపారు. ఆ అసిస్టెంట్ వచ్చి అదే విషయం చెప్పడంతో వెంటనే ఏఎన్ఆర్ గారు జయప్రద బట్టలు లేకుండా వచ్చినా పర్వాలేదు అంటూ జోక్ చేసారు. అక్కడున్న మేమందరం ఒక్క సారిగా షాక్ అయ్యాము. అయితే ఏఎన్ఆర్ గారు మామూలుగా ఇలా జోక్స్ వేస్తుండటం కామన్ అని అనుకుని నవ్వి వదిలేసాం అంటూ జయకుమార్ తెలిపారు.