YS Bharathi: జగన్ ఆరోజు అలా వెళ్తుంటే చాలా బాధేసింది.. వైయస్ భారతి ఎమోషనల్ కామెంట్స్!

YS Bharathi: ఏపీ ముఖ్యమంత్రి వైఎస్ జగన్మోహన్ రెడ్డి సతీమణి భారతి ప్రస్తుతం పులివెందుల నియోజకవర్గంలో పెద్ద ఎత్తున పర్యటనలు చేస్తూ ఎంతో బిజీగా ఉన్నారు. జగన్మోహన్ రెడ్డి రాష్ట్రవ్యాప్తంగా ఎన్నికల ప్రచార కార్యక్రమాలలో బిజీగా ఉండగా పులివెందులలో మాత్రం జగన్ తరుపున తన భార్య వైయస్ భారతి ప్రచార కార్యక్రమాలను నిర్వహిస్తున్నారు.

పులివెందులలోని ప్రతి గ్రామానికి వెళ్లి ప్రతి గడపగడపకు వెళ్తూ ఈమె జగన్ పరిపాలన గురించి అడగడమే కాకుండా ఓట్లు అందరూ జగన్మోహన్ రెడ్డికి వేసే ఆశీర్వదించాలని కోరుతున్నారు. గ్రామాలలో పర్యటించినటువంటి భారతి ప్రజలందరూ చాలా సంతోషంగా ఉన్నారని ప్రతి ఒక్కరికి సంక్షేమం అందుతుందని మీడియా సమావేశాలలో వెల్లడించారు.

ఇలా ప్రచార కార్యక్రమాలలో ఎంతో బిజీగా ఉన్నటువంటి భారతీ తాజాగా ఒక ఇంటర్వ్యూలో పాల్గొన్నారు. ఈ ప్రచార కార్యక్రమాలలో భాగంగా ఈమె ఎన్నో వ్యక్తిగత విషయాలతో పాటు రాజకీయ విషయాల గురించి కూడా ప్రస్తావనకు వచ్చారు. ఈ క్రమంలోనే జగన్ జైలుకు వెళ్లినటువంటి సమయంలో తమ పరిస్థితుల గురించి వివరించారు.

ఊపిరి తీసుకోలేకపోయాము..
అక్రమాస్తుల కేసులో భాగంగా ఎలాంటి ఆధారాలు లేకపోయినా తనని జైలుకు తీసుకువెళ్లారు అలా జగన్ మోహన్ రెడ్డి గారిని జైలుకు తీసుకు వెళ్లేటప్పుడు తనకు చాలా బాధ కలిగిందని భారతి వెల్లడించారు. ఆరోజు గాలి కూడా తీసుకోలేనంత బాధ కలిగిందని, బయటకు రావడానికి చాలా రోజుల సమయం పట్టిందని తెలిపారు. ఇక బయటకు వచ్చిన తర్వాత ఎలాంటి పరిస్థితులు ఎదురైనా ధైర్యంగా ఎదుర్కోగలరనే ధైర్యం వచ్చింది అంటూ భారతి చేసిన ఈ వ్యాఖ్యలు వైరల్ అవుతున్నాయి.