ఒకప్పుడు సెంటిమెంట్ పాత్రకి కేరాఫ్ అడ్రస్గా నిలిచిన అందాల నటి యమున. ఫ్యామిలీ ఆడియన్స్లో మంచి గుర్తింపు తెచ్చుకుంది. మంచి సూపర్ హిట్స్ తన ఖాతాలో వేసుకుంది. యమున అంటే కంటతడి పెట్టించే పాత్రలను అద్భుతంగా చేస్తుందని తెలుగు ప్రేక్షకులు మాత్రమే కాకుండా తమిళ, కన్నడ, మలయాళ చిత్ర అభిమానులు చెప్పుకుంటారు. అందుకు కారణం యమున నటన చాలా సజహజంగా ఉండటమే. తెలుగు వారైనా బెంగుళూరులో స్థిరపడిన యమున చేసింది తక్కువ సినిమాలే అయినా ఆ సినిమాలన్నీ ఆమెకి బాగా పేరు తీసుకు వచ్చాయి.
ఈమె అసలు పేరు ప్రేమ. అయితే సినిమాలలోకి వచ్చే ముందు ప్రముఖ దర్శకుడు కె.బాలచందర్ తన పేరును యమునగా మార్చారు. యమున కన్నడ సినిమా ‘మోడద మరెయల్లి’తో తన సినీ ప్రయాణం మొదలు పెట్టింది. ఈ సినిమాలో ఆమె ప్రముఖ కన్నడ నటుడు శివరాజకుమార్ సరసన నటించింది. ఈ సినిమా బాగా పేరు తీసుకురావడంతో ఇక వరుసగా సౌత్ భాషలలో నటించే అవకాశం అందుకుంది. యమున దాదాపు 50 తెలుగు, కన్నడ చిత్రాలలో హీరోయిన్ గా నటించింది.
1989లో విడుదలైన మౌన పోరాటం సినిమా ద్వారా తెలుగులో విపరీతమైన పేరు సంపాదించింది. ఈ సినిమా మీడియాలో బాగా పాపులర్ అయిన ‘సబితా బధేయి’ అనే ఆమె జీవిత కథను ఆధారంగా చేసుకొని రూపొందించారు. ఇందులో యమున ఒక ప్రభుత్వోద్యోగి చేత మోసగింపబడి, వైవాహిక హక్కుల కోసం, తన అక్రమ సంతానానికి సరైన గుర్తింపు కోసం పోరాడే యువతిగా నటించి ప్రేక్షకులను ఎంతగానో ఆకట్టుకుంది.
ఆ తర్వాత తెలుగులో అన్నీ ఎమోషనల్ డ్రామాలలోనే నటించే అవకాశాలను అందుకుంది. వినోద్ కుమార్ సరసన యమున నటించిన మామగారు బాగా పేరు తెచ్చిపెట్టింది. ఈ సినిమాతో మరో అవార్డు కూడా దక్కించుకుంది. దాంతో తెలుగులో పుట్టింటి పట్టుచీర, ఎర్ర మందారం వంటి చిత్రాలలో నటనకి ఆస్కారం ఉన్న పాత్రలను చేసి క్రేజ్ సంపాదించుకుంది. కన్నడ సినిమాలలో శివరాజ్ కుమార్, రవిచంద్రన్ల సరసన నటించిన సినిమాలు ఆమెకి బాగా పేరు తెచ్చిపెట్టాయి.
కాగా యమున పెళ్ళి తరువాత కొంతకాలం సినిమాలకు దూరంగా ఉంది. తరువాత టి.వి.సీరియళ్లలో నటించడం ప్రారంభించింది. ఈటీవిలో ప్రసారమైన ధారావాహిక అన్వేషితతో పాటు పలు సీరియల్స్లో నటిస్తూ ఇప్పుడు బాగా బిజీగా ఉంది. అయితే అప్పటి హీరోయిన్స్ ఇప్పుడు సినిమాలలో నటించే అవకాశాల కోసం ఎదురు చూస్తున్నారు. కానీ యమున గతంలో బెంగళూరులోని ఫైవ్ స్టార్ హోటల్ ఐ.టి.సి.రాయల్ గార్డెనియాలో జరిగిన పోలీసు దాడిలో వ్యభిచారం చేస్తూ పట్టుబడినట్టు మీడియాలో కథనాలు వచ్చాయి.
అందుకే మళ్ళీ సినిమా ఇండస్ట్రీ నుంచి ఆమెకి అవకాశాలు దక్కడం లేదనే టాక్ ఉంది. ఈ వ్యవహారంలో యమునను అరెస్టు చేశారు. అయితే ఆ మధ్య ఓ ఇంటర్వ్యూలో తనపై వచ్చిన ఆరోపణలు.. కావాలని సృష్ఠించినవే అంటూ కోర్టు కొట్టివేసినట్లు యమున తెలిపింది. అయినా కూడా టాలీవుడ్ మేకర్స్ ఈమెకి సినిమాలలో అవకాశాలు మాత్రం ఇవ్వడం లేదు. కాగా ప్రస్తుతం ఈమె సీరియల్స్లో మాత్రం క్షణం తీరిక లేకుండా గడుపుతోంది. అది కూడా సినిమాలు చేయకపోవడానికి ఓ కారణం కావచ్చు.
భారతీయుల ఆహారపు అలవాట్లలో పెరుగుకు ప్రత్యేక స్థానం ఉంది. భోజనం చివరలో ఒక గిన్నె పెరుగు తింటే కడుపుకు హాయిగా…
ప్రపంచవ్యాప్తంగా బంగారానికి ఉన్న ఆదరణ గురించి ప్రత్యేకంగా చెప్పాల్సిన అవసరం లేదు. సంపదకు, శుభానికి, భద్రమైన పెట్టుబడికి ప్రతీకగా భావించే…
దక్షిణ భారత సినీ పరిశ్రమలో అత్యంత ప్రజాదరణ పొందిన నటీమణుల్లో సమంత ఒకరు. తన నటన, కష్టపడి పనిచేసే తత్వం,…
ప్రపంచంలో కాఫీ ప్రియులు ఎన్నో రకాల కాఫీలను ఆస్వాదిస్తుంటారు. సాధారణ కాఫీ నుంచి ప్రత్యేక రకాల కాఫీల వరకు మార్కెట్లో…
పనసపండు అంటే చాలామందికి ఎంతో ఇష్టం. తియ్యటి రుచి, ప్రత్యేకమైన సువాసన, పోషకాలతో నిండిన ఈ పండు వేసవి కాలంలో…
జ్వరం వచ్చినప్పుడు ఆహారం విషయంలో అనేక సందేహాలు, అపోహలు ప్రజల్లో కనిపిస్తుంటాయి. ముఖ్యంగా మాంసాహార ఆహారం తీసుకోవచ్చా లేదా అనే…