బాలకృష్ణను జూనియర్ ఎన్టీఆర్ మొదటి సారి ఎక్కడ ఎలా కలిసారో తెలుసా?

నందమూరి వారసులుగా సినిమా ఇండస్ట్రీలోకి అడుగుపెట్టిన బాలకృష్ణ, ఎన్టీఆర్ గురించి ప్రత్యేకంగా చెప్పాల్సిన పనిలేదు. నిజానికి వీరిద్దరూ బాబాయ్.. అబ్బాయ్ వరస అవుతారనే ఈ విషయం అందరికీ తెలిసిందే. అయితే సినిమా ఇండస్ట్రీలో ఎంతో క్రేజ్ సంపాదించుకున్న బాలకృష్ణను మొట్టమొదటిసారిగా ఎన్టీఆర్ ఎలా కలుసుకున్నారనే విషయాన్ని పరుచూరి గోపాలకృష్ణ తో ఇంటర్వ్యూ సందర్భంగా తెలియజేశారు.

ఈ సందర్భంగా పరుచూరి గోపాలకృష్ణ మాట్లాడుతూ… పాలకొల్లులో ఎన్టీఆర్ హీరోగా అల్లరి రాముడు సినిమా చిత్రీకరణ జరుగుతుంది. అదే సమయంలో అక్కడ పరుచూరి గోపాలకృష్ణ ఎన్టీఆర్ బాలకృష్ణ వంటి వారందరూ ఉన్నారు. ఆ సమయంలో జూనియర్ ఎన్టీఆర్ పరుచూరి గోపాల కృష్ణ దగ్గరికి వెళుతూ మీరు తాత ఎన్టీఆర్ గారికి ఎలా అభిమానో.. నేను బాలకృష్ణ గారికి అంత అభిమానిని అని తెలియజేశారు.

బాబాయి సినిమా థియేటర్ లో చూస్తుంటే పేపర్లు చించి విసిరేస్తూ ఎంజాయ్ చేశానని తెలిపారు.ఆ మాటలు విన్న పరుచూరి మరి ఈ విషయాన్ని మీ బాబాయికి చెప్పావా అని అడిగా.. లేదు నాకు బాబాయి అంటే భయం అందుకే ఈ విషయాన్ని తనకు చెప్పలేదు అనే సమాధానం చెప్పాడు. అయితే మీ బాబాయ్ కి పరిచయం చేస్తాను రా అంటూ అదే సెట్ లో ఉన్న బాలకృష్ణ దగ్గరకు ఎన్టీఆర్ చేతిని పట్టుకొని పరుచూరి గోపాలకృష్ణ తీసుకువెళ్లి బాలయ్య బాబుతో పరిచయం చేయించి మాట్లాడారట.

అలా ఎన్టీఆర్ బాలకృష్ణను బాబాయ్ మాదిరి కాకుండా, ఒక అభిమానిగా మొట్టమొదటిసారి పాలకొల్లులో కలిశారని ఈ ఇంటర్వ్యూ సందర్భంగా పరుచూరి గోపాలకృష్ణ తెలియజేశారు. ఆ తర్వాత ఎన్టీఆర్ కూడా హీరో గా ఎంట్రీ ఇచ్చి ఎన్నో అద్భుతమైన సినిమాల్లో నటిస్తూ ప్రస్తుతం స్టార్ హీరోగా కొనసాగుతున్న సంగతి తెలిసిందే.