అలెర్ట్ : మూడు రోజుల్లో తెలంగాణలో అతి భారీ వర్షాలు !

రానున్న మూడు రోజుల్లో తెలంగాణ రాష్ట్రంలో కొన్ని చోట్ల అతి భారీ వర్షాలు కురిసే అవకాశం కనిపిస్తుందని తెలిపింది హైదరాబాద్‌ వాతావరణ కేంద్రం. పశ్చిమ మధ్య, వాయువ్య బంగాళాఖాతంలో అల్పపీడనం ఏర్పడిందని విషయం తెలిసిందే.. ఆ అల్పపీడనం ఉత్తరాంధ్ర, దక్షిణ ఒడిశా ప్రాంతాల తీరాల మీదుగా స్థిరంగా కొనసాగుతుందని తెలిపింది. దీనికి అనుబంధంగా ఉపరితల ద్రోణి కొనసాగుతుందని చెప్పింది.

అయితే వీటి ప్రభావం వల్ల రేపు, ఎల్లుండి ( మంగళ, బుధవారాల్లో) రాష్ట్రంలో అనేక చోట్ల తేలికపాటి నుంచి మోస్తరు వర్షాలు కురిసే అవకాశం ఉందని తెలిపింది. ఈ క్రమంలో ఉరుములు, మెరుపులతో పాటు గంటకు 30 నుంచి 40 కిలోమీటర్ల వేగంతో ఈదురుగాలులతో కూడిన వర్షాలు పడే అవకాశముందని తెలిపింది. ఇదిలా ఉండగా.. సోమవారం హైదరాబాద్‌ సహా పలు జిల్లాల్లో అక్కడక్కడ భారీ వర్షాలు కురిశాయి.