ఎన్టీఆర్ కి ఇష్టమైన ఆహారం ఏంటో తెలుసా..!?

తెలుగు చిత్ర పరిశ్రమలో యాంగ్ టైగర్ ఎన్టీఆర్ గురించి తెలియని వారంటూ ఉండరు. ఆయన నటనతో ప్రేక్షకులను ఎంతగానో ఆకట్టుకున్నారు. ఎన్టీఆర్ వ్యక్తిగత విషయాలకు వస్తే.. ఆయన మే 20, 1983న నందమూరి హరికృష్ణ, షామిలి దంపతులకు జన్మించారు. ఇక తారక్ తన చైల్డ్ హుడ్ లోనే కూచిపూడి నాట్యం లో ప్రావీణ్యం సాధించి పలు ప్రదర్శనలు కూడా ఇచ్చారు. ఇక హైదరాబాదులోని తెలంగాణ సచివాలయంకు సమీపంలో ఉన్న విద్యారణ్య ఉన్నత పాఠశాలలో పాఠశాలలో చదుకున్నారు. ఆ తరువాత ఆయన ఇండస్ట్రీకి అడుగుపెట్టారు.

సీనియర్ ఎన్టీఆర్ తారక్ లోని కళాభిమానానికి ముగ్ధులై బ్రహ్మర్షి విశ్వామిత్ర చిత్రములో బాలనటుడిగా హిందీ చిత్రసీమకు పరిచయం చేశారు. ఆ తరువాత గుణశేఖర్ దర్శకత్వంలో బాల రామాయణము చిత్రములో రాముడిగా నటించారు. ఈ సినిమా తరువాత ఎన్టీఆర్ 2001లో నిన్ను చూడాలని సినిమాతో టాలీవుడ్ కి హీరోగా పరిచయమైయ్యాడు. ఇక రాజమౌళి దర్శకత్వంలో వచ్చిన స్టూడెంట్ నెంబర్ వన్, వివి వినాయక్ దర్శకత్వంలో వచ్చిన అది సినిమాలతో మంచి గుర్తింపు తెచ్చుకున్నాడు.

ఇక ఎన్టీఆర్ టెంపర్ నాన్నకు ప్రేమతో, జనతా గ్యారేజ్, జై లవకుశ అరవింద సమేత వంటి సినిమాలతో వరుస హిట్లతో ముందుకు దూసుకుపోతూ రాజమౌళి దర్శకత్వంలో RRR సినిమాలో నటిస్తున్నారు. కానీ తారక్ చిన్న తనం నుండి కెరీర్ ఆరంభించిన తొలినాళ్లలో చాలా లావుగా ఉండే వాడు. అయితే యమదొంగ సినిమా సమయంలో లైపో చేయించుకుని దాదాపుగా 30 కేజీల బరువు తగ్గారు.

ఆయన కంత్రి సినిమాలో చాలా సన్నగా కనిపిస్తారు. ఇక అప్పటి నుండి పెరగకుండా చాలా జాగ్రత్తగా ఉంటున్నాడు. అయితే ఎన్టీఆర్ కి అమ్మ చేతి వంట అంటే చాలా ఇష్టమంటా. ఇక షూటింగ్ లేని సమయంలో ఒత్తిడి తగ్గించుకోవడానికి ఇంట్లో వంట చేస్తూ ఉంటాడు. అంతేకాదు.. ఎన్టీఆర్ రొయ్యల బిర్యానీతో పాటు నాటుకోడి కూర, వేపుడులను ఎంతో ఇష్టంగా తింటారు.