శుభవార్త చెప్పబోతున్న మోనిత…కార్తీక్ భుజంపై చేయి వేసి ఓదార్చిన వంటలక్క..?

బుల్లితెరపై ప్రసారం అవుతున్న కార్తీకదీపం సీరియల్ రోజు రోజుకు తీవ్ర ఉత్కంఠను రేపుతోంది. ఈ క్రమంలోనే గత ఎపిసోడ్ లో మోనిత, కార్తీక్ పెళ్లి చేసుకోబోతున్నారని తెలిసిన ఆనందరావు కార్తీక్ ను చెడామడా తిట్టేశాడు. నేడు ఎపిసోడ్ లో భాగంగా ఆనందరావు ఈ దారుణం చూడటానికేనా నా కోడలను బతికించావు అంటూ కార్తీక్ పై తీవ్ర ఆగ్రహం వ్యక్తం చేశాడు. మొదటి రోజే నువ్వు మోనితని పెళ్లి చేసుకుంటాను అన్నప్పుడు నీ దవడ పగలగొట్టిన ఉండి ఉంటే ఇప్పుడు ఇంతవరకు వచ్చేది కాదు. నువ్వు నింద వేసిన ఏళ్ల తరబడి భరించింది… నీలో మార్పు ఆశించింది.. అంతే కానీ నీకు విడాకులు ఇచ్చి వెళ్లి పోవాలని అనుకోలేదు అంటూ ఆనందరావు ఎంతో ఆగ్రహం వ్యక్తం చేశాడు.

మోనిత గురించి ముందే హెచ్చరించాం.. కానీ స్నేహం అనే ముసుగులో మమ్మల్ని మోసం చేసి చివరికి పెళ్లి వరకు తీసుకు వచ్చావ్.మోనితను పెళ్లికి ఏ విధంగా ఓపించావు కొన్ని గంటల భర్తగా ఉంటాననా? లేక నీ బిడ్డలకు కొన్ని గంటలు తండ్రిగా ఉంటాననా? అంటూ తీవ్ర ఆగ్రహం వ్యక్తం చేశాడు.దీపని పెళ్లి చేసుకుని తనను మోసం చేసినందుకు తను నిన్ను ఎన్ని ప్రశ్నించాలి.. ఎన్ని రకాలుగా నిలదీయాలి.దీపకు చేసిన అన్యాయానికి నువ్వు తప్పకుండా మూల్యం చెల్లించుకోవాల్సిదేనంటూ కార్తీక్ ను కడిగి పడేసాడు.

ఈ విధంగా తండ్రి తిట్టడంతో కార్తీక్ ఆవేశంతో చేసిన పని కాదు, అలాగే నా బలహీనత వల్ల దిగజారి చేసిన తప్పు కాదు ఇది.. అయినా నాకు శిక్ష పడింది. ఏ రోజు ఎలాంటి పరిస్థితులలో కూడా ఒక్క మాట అనలేదు. కానీ మోనిత వల్ల నా పై మచ్చ పడింది అంటూ కార్తీక్ బాధపడతాడు. కేవలం మోనితను పెళ్లి చేసుకుంటానంటేనే ఇలా అసహ్యించుకుంటున్నారు అలాంటిది తను గర్భవతి అని తెలిస్తే ఆయన ఏమైపోతారో అంటూ కంగారు పడుతుండగా.. దీప కార్తీక్ భుజంపై చేయి వేసి నీ తప్పు లేదని నీ అంతరాత్మకు తెలిసినప్పుడు ప్రపంచం మొత్తం ఏమనుకున్నా పర్వాలేదు అంటూ కార్తీక్ ను ఓదారుస్తుంది.

ఇక దీప ఎత్తులకు పై ఎత్తులు వేస్తూ మోనిత ఎవరితోనో ఫోన్లో మాట్లాడుతూ.. అంజి వ్యవహారం మీరే చూసుకోండి అని చెప్పగా అవతల నుంచి మీరేం కంగారు పడకండి అంటూ సమాధానం చెబుతారు. అయితే మీ అకౌంట్ కు డబ్బులు ట్రాన్స్ఫర్ చేస్తానని మోనిత చెబుతుంది. ఈ విధంగా ఆ వ్యక్తి ఇచ్చిన భరోసాతో ఎంతో సంతోషంలో మునిగిపోయిన మోనిత తనను అనుమానంతో చూస్తున్న ప్రియమణితో త్వరలోనే నీకు శుభవార్త చెబుతా.. అంటూ ఆనందంలో తేలుతుంది. అయితే ఆ తర్వాత ఏం జరిగిందనే విషయం మరొక ఎపిసోడ్లో చూడాల్సి ఉంటుంది.