పంజాబీ కుటుంబ నేపథ్యం నుంచి స్టార్ హీరోయిన్ గా స్టార్ ప్రొడ్యూసర్ గా ఓ వెలుగు వెలుగుతోంది ఛార్మి. 13 ఏళ్ళకి సినిమా ఇండస్ట్రీలోకి అడుగుపెట్టింది. ఓసారి ఛార్మీ తన అన్నయ్యతో వెళుతుంటే మోడల్ కో ఆర్డినేటర్ ఒకతను.. ఓ సినిమా షూటింగ్స్ కోసం కొంతమంది అమ్మాయిలను చూస్తున్నారు. ఒకసారి మీ చెల్లిని తీసుకువస్తే ఆడిషన్ చేసి సెలెక్ట్ అయితే సినిమాలలో అవకాశాలు వస్తాయి అని అన్నాడట. ఆమాట విన్న ఛార్మి అన్న మా ఫ్యామిలీలో ఇప్పటి వరకు సినిమాలలోకి వచ్చిన వాళ్ళు ఎవరూ లేరు అని ఆ కోర్డినేటర్ తో ఒకటే గొడవ పెట్టుకున్నాడట. అంతేకాదు ఇంటికెళ్ళాక కూడా దాదాపు ఓ వారం పాటు ఇదే టాపిక్ నడిచి చాలా డిస్కర్షన్స్ అయ్యాయట, ఆ కోర్డినేటర్ మళ్ళీ కూడా మీ అమ్మాయి తప్పకుండా సెలెక్ట్ అవుతుంది ఒక్కసారి పంపించండి అన్నాడట.
అన్న మాత్రం ససేమిరా అని చెప్పడంతో ఛార్మి తన అమ్మగారిని రిక్వెస్ట్ చేసింది. ఒక్కసారి ట్రై చేస్తాను. సెలెక్ట్ అవకపోతే మళ్ళీ సినిమా టాపిక్ మాట్లాడనని కన్విన్స్ చేయడంతో వాళ్ళ అమ్మగారు ఒప్పుకున్నారు. అలా ఛార్మి తన అమ్మని కన్విన్స్ చేసి 13 ఏళ్లకే ముంబై చేరుకుంది. ఓ స్టూడియోలో ఆడిషన్స్ నిర్వహిస్తునారు. తను వెళ్ళి చూడగానే అప్పటికే అక్కడ 5000 మంది అమ్మాయిలు ఉన్నారట. వాళ్ళని చూసి షాకయిన ఛార్మికి వెంటనే మరో షాక్ తగిలింది. అదే సమయంలో కార్వ్యాన్లో నుంచి స్టార్ హీరోయిన్ కరీన కపూర్ దిగింది. ఇది చూసి ఛార్మికీ ఏమర్థమవలేదు. తను వచ్చింది కరీనా సినిమాలో నటించడానికా అని షాకయిందట.
ఇక 10 మంది చొప్పున లైన్ లో అందరినీ నుంచోబెట్టి ఒక్కొక్కరిని సెలెక్ట్ చేస్తూ.. ఛార్మిని కూడా సెకెల్ట్ చేశారట. సెలెక్ట్ అన్నా కూడా ఇది నిజమా అబద్దమా అని కన్ఫ్యూజన్ లో పడింది చార్మి. ఇక తనని సెలెక్ట్ చేసింది ఓ జూనియర్ ఆర్టిస్ట్ గా అని తెలుసుకొని హ్యాపీగా ఫీలయింది. ఇక ఈ సినిమాలో హీరో ఎవరో తెలిసి నోట మాట రాలేదట. మైన్ ప్రేం కి దీవాని హో అనే సినిమా షూటింగ్.. పెద్ద సెట్.. హీరో హృతిక్ రోషన్.. హీరోయిన్ కరీనా కపూర్. ఇది నిజమా కలా అని కాసేపు అర్థం కాని పరిస్థితిలో ఉన్న ఛార్మి హృతిక్ ని చూడగానే ఆనందంతో ఉబ్బితబ్బిబ్బైందట.
అందుకు కారణం ఛార్మి ఫేవరేట్ హీరో హృతిక్ రోషన్. ఇక ఇందులో మరో హీరో అభిషేక్ బచ్చన్. ఇంత పెద్ద స్టార్స్ నటిస్తున్న సినిమాకి ఆడిషన్ కి రావడం, సెలెక్ట్ అవడం అంటే ఎంత అదృష్టం ఉండాలి. అదే ఛార్మి అనుకొని హ్యాపీగా ఈ సినిమాలో జూనియర్ ఆర్టిస్ట్ గా నటించింది. ఆ ఏజ్ లో షూటింగ్ అంటే తెలీదు, ఆడిషన్ అంటే తెలీదు, జూనియర్ ఆర్టిస్ట్ అంటే తెలీదు. అలా ముంబై వెళ్ళి ఈ సినిమాలో ఛాన్స్ అందుకుంది ఛార్మి. ఆరోజు తనకి ఇచ్చిన పేమెంట్ రూ.200. అంటే ఛార్మి సినిమాలలోకి వచ్చినప్పుడు తన మొదటి సంపాదన రూ.200 అనమాట.
ఇక ఈమె తెలుగులో హీరోయిన్గా నీతోడు కావాలి సినిమాతో పరిచయమయింది. ఇందులో హీరో దీపక్. మొదటి సినిమా అంతపెద్ద హిట్ అవకపోయినా కూడా తెలుగులో ఛార్మి వరుసగా అవకాశాలు అందుకొని స్టార్ హీరోయిన్గా వెలిగింది. హీరోయిన్ గా సినిమా ఇండస్ట్రీలో 15 ఏళ్ళకి పైగా నే ఉండి తెలుగు, తమిళం, హిందీ, మలయాళం, కన్నడ సహా మరికొన్ని భాషలలో నటించి క్రేజీ స్టార్ గా మారింది. ప్రస్తుతం ఛార్మి సినిమాలలో నటించడం మానేసి నిర్మాతగా కొనసాగుతోంది. డైరెక్టర్ పూరి జగన్నాథ్ తో కలిసి పూరి కనెక్ట్స్ అనే బ్యానర్పై ఓ నిర్మాతగా వ్యవహరిస్తోంది. ప్రస్తుతం పూరి జగన్నాథ్ దర్శకత్వంలో విజయ్ దేవరకొండ హీరోగా నటిస్తున్న లైగర్ సినిమాకి ఛార్మి ఒక నిర్మాత.
తెలంగాణలో నిరుద్యోగ యువతకు ఊరటనిచ్చే నిర్ణయం వెలువడింది. తెలంగాణ గిరిజన సంక్షేమ శాఖ ఆధ్వర్యంలో బ్యాంకింగ్ పరీక్షలకు సిద్ధమవుతున్న అభ్యర్థులకు…
టాలీవుడ్లో తక్కువ కాలంలోనే స్టార్ హీరోయిన్గా గుర్తింపు పొందిన రిచా గంగోపాధ్యాయ్ సినీ ప్రయాణం ఇప్పటికీ ఆసక్తికర చర్చగా నిలుస్తోంది.…
టాలీవుడ్లో క్లాసిక్గా నిలిచిన ‘శివ’ సినిమా గురించి మరో ఆసక్తికర విషయాన్ని నటుడు జేడీ చక్రవర్తి వెల్లడించారు. ప్రస్తుతం తన…
తెలంగాణలోని గద్వాల జిల్లాలో చోటుచేసుకున్న ఓ ఘటన అధికారుల నిర్లక్ష్యంపై తీవ్ర విమర్శలకు దారి తీసింది. బాల్య వివాహాన్ని అడ్డుకోవడానికి…
కన్నడ స్టార్ హీరో యశ్ నటిస్తున్న ‘టాక్సిక్’ సినిమా విడుదలకు ముందు నుంచే సినీ వర్గాల్లో భారీ చర్చకు దారి…
తెలంగాణ రాజకీయాల్లో కొత్త చర్చకు దారి తీసే పరిణామం చోటుచేసుకుంది. బీఆర్ఎస్కు దూరమైన కల్వకుంట్ల కవిత, తన రాజకీయ ప్రయాణాన్ని…