సీనియర్ నటి జయంతి కన్నుమూత !

ప్రముఖ కన్నడ నటి జయంతి (76) కన్నుమూశారు. గత కొంతకాలంగా శ్వాశ సంబంధిత సమస్యతో బాధపడుతున్న ఆమె సోమవారం తెల్లవారు జామున బెంగళూరులోని ఆమె స్వగృహంలో తుదిశ్వాస విడిచారు. నటి జయంతి 1963లో కన్నడలో ‘జెనుగూడు’ చిత్రంతో సినీ ప్రవేశం చేసారు..తెలుగు, కన్నడ, తమిళ, మళయాళం, హిందీ, మరాఠీ భాషల్లో కలిపి సుమారు 500కుపైగా చిత్రాల్లో జయంతి నటించారు.

తెలుగులో నటించిన పలు సినిమాలతో జయంతి తెలుగు వారి మనసుల్లో చెరగని ముద్ర వేసారు. పెదరాయుడు సినిమాలో తన అద్బుతమైన నటనకు మంచి గుర్తింపు తెచ్చుకుంది. వీటితో పాటు జస్టిస్‌ చౌదరి, కొండవీటి సింహం, శాంతి నివాసం వంటి చిత్రాల్లోనూ విభిన్న పాత్రలతో మెప్పించారు. తెలుగు హీరొయిన్ అయినప్పటికీ కన్నడ ఫిలిం ఇండస్ట్రీలో మంచి గుర్తింపు తెచుకుంది జయంతి. మిస్ లీలావతి చిత్రానికి గాను ఇందిరాగాంధీ చేతుల మీదుగా జాతీయ అవార్డు తీసుకున్నారు. జయంతి మృతి పట్ల కర్ణాటక ముఖ్యమంత్రి యడియూరప్ప సహా పలువురు సినీ రాజకీయ ప్రముఖులు సంతాపం వ్యక్తం చేశారు.