‘KGF2’ రన్ టైం ఎన్ని గంటలో తెలుసా..??

కన్నడ దర్శకుడు ప్రశాంత్ నీల్ దర్శకత్వంలో యశ్ హీరోగా నటించిన సినిమా ‘KGF’.. పాన్ ఇండియా మూవీగా ప్రేక్షకుల ముందుకు వచ్చిన ఈ సినిమా అన్ని భాషల్లో మంచి విజయాన్ని సొంతం చేసుకుంది..ఈ ఒకే ఒక్క సినిమా కన్నడ హీరో యశ్ ని ఓవర్ నైట్ స్టార్ ని చేసింది.. అంతేకాదు ఈ సినిమా హిట్ తో దర్శకుడు ప్రశాంత్ నీల్ కు తెలుగులో ఆఫర్లు క్యూ కట్టాయి. ఇక త్వరలో కేజీఎఫ్ పార్ట్ 2 రాబోతుంది.

దక్షిణాది సినీ పరిశ్రమను మరో మెట్టు ఎక్కించిన కేజీఎఫ్‌కు సీక్వెల్‌గా వస్తోందీ సినిమా. ఈ సినిమాలో రాకీ భాయ్‌ను ఢీ కొట్టేందుకు అధీరాగా వస్తున్నాడు బాలీవుడ్‌ హీరో సంజయ్‌దత్‌. మరో బాలీవుడ్ నటి రవీనాటాండన్ కీలక పాత్రలో నటిస్తుంది. కేజీఎఫ్ ఛాప్టర్ 1 భారీ విజయం సాధించడంతో ఛాప్టర్ 2పై అంచనాలు భారీగా ఉన్నాయి. ప్రకాశ్ రాజ్, రావు రమేష్ ముఖ్య పాత్రలలో కనిపించనున్నారు.అయితే ఇదివరకే గ్లింప్స్ తో పాటుగా కేజీఎఫ్-2 రిలీజ్ డేట్ ప్రకటించారు మేకర్స్.

ఇప్పుడు ఈ సినిమా అనుకున్న టైం కి వస్తుందా అన్న అనుమానాలు వ్యక్తం అవుతున్నాయి. ఇప్పటికే షూటింగ్ కంప్లీట్ చేసేసి పోస్ట్ ప్రొడక్షన్ పనులు వేగవంతంగా జరుపుతున్నారు చిత్రయూనిట్. తాజాగా ఈ సినిమా డ్యూరేషన్ గురించి ఇంటరెస్టింగ్ చర్చ జరుగుతుంది. ఈ సినిమా డ్యూరేషన్ 2గంటల 52నిముషాలు ఉన్నట్లు తెలుస్తుంది..దీంతో ఇప్పుడు ఈ సినిమాపై అంచనాలు రెట్టింపు అయ్యాయి..

ఇక ప్రశాంత్ నీల్ ఈ సినిమాను ఎంతో ప్రతిష్టాత్మకంగా తెరకెక్కించాడు.. ఈ సినిమా తోపాటు మరో వైపు పాన్ ఇండియా హీరో ప్రభాస్ తో సలార్ సినిమాను కూడా చేస్తున్నాడు ప్రశాంత్ నీల్… ఆసినిమా ప్రస్తుతం షూటింగ్ దశలో ఉంది..ఇప్పటికే బొగ్గు గనుల్లో ఓ షెడ్యూల్ షూటింగ్ ని కంప్లీట్ చేసుకున్న ఈ సినిమాలో ప్రభాస్ సరసన శ్రుతిహాసన్ హీరోయిన్ గా నటిస్తోంది..ఏప్రిల్ 14, 2022లో ఈ సినిమా ప్రేక్షకుల ముందుకు రానుంది…!!