వావ్.. బాస్ అంటే ఇలా ఉండాలి.. తన జీతాన్ని ఉద్యోగులకు పంచుతున్న సీఈఓ..!

కొంతమంది ఉద్యోగం చాలా సంవత్సరాల నుంచి చేస్తున్నా జీతం మాత్రం పెరగదు. ఇంక్రిమెంట్లు లేక చాలా ఇబ్బందులకు గురవుతారు. దీంతో చాలీచాలని జీతాలతోనే కుటుంబాలను నెట్టకొచ్చేవారు ఉన్నారు. అయితే ఇక్కడ ఓ కంపెనీలో పనిచేసే ఉద్యోగస్తులందరికీ ఆ కంపెనీలో పనిచేసే సీఈఓ జీతంలో 90 శాతం ఉద్యోగులకు పంచి ఇస్తున్నాడు.

ఇంతకు విషయం ఏంటంటే.. అమెరికాలోని గ్రావిటీ పేమెంట్స్ అనే ఓ ప్రైవేట్​ క్రెడిట్ కార్డు ప్రాసెసింగ్ కంపెనీకి డ్యాన్ ప్రైస్ అనే వ్య‌క్తి సీఈవోగా పనిచేస్తున్నారు. ఆ కంపెనీలో పనిచేస్తున్న ఉద్యోగుల జీతం కంటే సీఈఓ జీతం ఎక్కవు. అయితే చాలీచాలని జీతాలతో ఇబ్బందులకు గురవతున్న వారి కష్టాలను విన్నాడు.

ఇంకేముంది.. డ్యాన్ ప్రైస్ త‌న‌కు వ‌చ్చే ఇంక్రిమెంట్‌తోపాటు త‌న జీతం నుంచి 90 శాతం వ‌ర‌కు క‌ట్ చేసి ఆ మొత్తాన్ని త‌న కింద ప‌నిచేస్తున్న 120 మంది ఉద్యోగులకు ఇవ్వాలని నిర్ణయించుకున్నాడు. దీంతో ఆ కంపెనీలో పనిచేసే ఉద్యోగుల ఒక్కొక్కరి జీతం 74 వేల డాలర్లకు చేరుకుంది. ఇది కేవలం ఒక నెలో.. రెండు నెలలో కాదు..గత ఆరేళ్ల నుంచి ఇలాగే తన ఉద్యోగులకు పంచుతున్నాడు.

సీఈవో దాతృత్వానికి చలించిపోయిన ఉద్యోగులు కష్టపడి ఆ కంపెనీ లాభాలను ఆరేళ్లలోనే మూడు రెట్లు చేసి చూపించారు కూడా. నేను జీతాన్ని పంచాను వారు తన కంపెనీనీ ఉన్నత స్థానంలో నిలబెట్టారాని ఆనందం వ్యక్తం చేశారు సీఈఓ. బాస్ అంటే ఇలానే ఉండాలంటూ అందరూ అతడిని ప్రశంసిస్తున్నారు.