Crime News: పుట్టిన రోజు వేడుకల్లో భర్త స్నేహితులు.. భార్యపై కన్నేసిన కామాంధులు..! తర్వాత ఏమైందంటే..?

Crime News: దేశంలో ఎన్ని చట్టాలు వచ్చినా.. కామాంధుల తీరు మారడం లేదు. నిర్భయ, ఫోక్సో, దిశ వంటి చట్టాలు తీసుకువచ్చినా… దేశంలో ఎక్కడో ఓ చోట అత్యాచారాలు జరుగుతూనే ఉన్నాయి. అత్యాచారానికి పాల్పడిన దుండగుల్లో మనకు ఏం కాదనే భావన ఉండటంతోనే ఇలాంటి దారుణాలకు తెగబడుతున్నారు. 

వావీవరస, చిన్న పెద్దా, ఆడ మగ అన్న తేడాలు లేకుండా.. దారుణాలకు ఒడిగడుతున్నారు. ముఖ్యంగా తెలిసిన వారి నుంచే ఎక్కువగా లైంగిక దాడులకు గురవ్వడం కలవరాన్ని కలిగిస్తోంది. తాజాగా పూణేలో జరిగిన గ్యాంగ్ రేప్ కలకలం కలిగించింది. భర్తతో వెళ్లిన భార్యను భర్త స్నేహితులే సామూహిక అత్యాచారం చేశారు.

వివరాల్లోకి వెళితే భర్త బర్త్ డే పార్టీని జరుపుకునేందుకు వెళ్లిన భార్య ఈ దారుణానికి బాధితురాలుగా మారింది. పుణేలో భర్త బర్త్ డే రోజు ఏకాంతం కోసం భార్యభర్తలు ఓ హోటల్ కి వెళ్లారు. ఇదే సమయంలో మాయమాటలు చెప్పిన భర్త స్నేహితులు ఆమెపై అత్యాచారానికి పాల్పడ్డారు.

నిర్జన ప్రాంతానికి తీసుకెళ్లిన కామాంధుడు ..

భర్త హోటళ్లో ఎంక్వయిరీకి వెళ్లిన సందర్భంలో.. అతని స్నేహితులు బాధితురాలి దగ్గరికి వచ్చి మీ సోదరుడికి రోడ్డు ప్రమాదం జరిగిందని మాయమాటలు చెప్పారు. ఇది నమ్మిన ఆమె అతనితో మోటర్ సైకిల్ పై బయటకు వెళ్లింది. నిర్జన ప్రాంతానికి తీసుకెళ్లిన కామాంధుడు ఆమెపై అత్యాచారానికి పాల్పడ్డారు. ఆ తరువాత అతనితో వచ్చిన వారికి సమాచారం ఇచ్చాడు. దీంతో ఐదుగురు ఆమెపై సామూహిక అత్యాచారానికి పాల్పడ్డారు. అయితే ఈ దురాగతానికి పాల్పడ్డ వ్యక్తులను పోలీసులు 24 గంటల్లో అరెస్ట్ చేశారు.