jabardasth Phani : మల్లెమాలలో జరిగేది అదే… కిర్రాక్ ఆర్పి ఎందుకు ఇలా మాట్లాడుతున్నాడో తెలియదు.. సుదీర్ గురించి ఏడుకొండలు చెప్పినవన్నీ అబద్దాలే.. : జబర్దస్త్ ఫణి

Jabardasth Phani : జబర్దస్త్ లో బానిస బతుకు బతకలేక, వాళ్ళు వేసే మెతుకులు తినలేక బయటికి వచ్చేసానని యూట్యూబ్ ఛానెల్ కి ఇచ్చిన ఇంటర్వ్యూ లో కిర్రాక్ ఆర్పి చేసిన తీవ్ర విమర్శలు బాగా వైరల్ అయ్యాయి. జబర్దస్త్ ఎంతో మందికి జీవితాన్ని ఇవ్వడం కాదు మేమే జబర్దస్త్ కు జీవితాన్ని ఇచ్చాము అంటూ కామెంట్స్ చేసాడు ఆర్పి అక్కడ ఎవరిని మనుషుల్లా చూడరు అంటూ మల్లెమాల సంస్థను తీవ్ర స్థాయిలో విమర్శించాడు. ఇక వీటిపై జబర్దస్త్ లో ఉన్న కమెడియన్స్ అలాగే జబర్దస్త్ నుండి వెళ్లిపోయిన కమెడియన్స్ పలు ఇంటర్వ్యూ ల్లో మాట్లాడుతూ జబర్దస్త్ లో జరిగే విషయాల గురించి మాట్లాడుతున్నారు.

మల్లెమాల సంస్థలో అదే జరిగేది….

జబర్దస్త్ మానేసి ఐదేళ్ళు దాటి పోయింది మేము ఉన్న రోజుల్లో జబర్దస్త్ లో తిండి గురించి ఏ రోజు అనుకోలేదు స్కిట్లు ఎలా చేయాలి ఇంకా ఎంత బాగా చేయాలి అన్నదాని మీదే మా ఫోకస్ ఉండేది అంటూ ఫణి చెప్పాడు. పేమెంట్ టైం కి ఇచ్చేవాళ్ళని తనకు అదిరే అభి టీం లో పని చెసేప్పుడు స్కిట్స్ కి ఇరవై ఐదు వేలు ఇచ్చేవాడని కామెడీ స్కిట్స్ కి లక్షల్లో సంపాదన జబర్దస్త్ వల్లే వచ్చింది అంటూ చెప్పాడు. కిర్రాక్ ఆర్పి నాకు తమ్ముడు కానీ తనకు అలా ఎందుకు మాట్లాడాడో అర్థం కావడం లేదని, నాగబాబు గారు చాలా మంచివారని చెప్పాడు. తన కూతురు చదువుకు నాగబాబు సహాయం చేసారని జబర్దస్త్ లో వాళ్ళను బయటకు తీసి సొంత కామెడీ షో చేయాల్సిన అవసరం నాగబాబు గారికి లేదని వివరించాడు. ఆయన అనుకుంటే చిరు తోనో లేక పవన్ తోనే సినిమా చేయొచ్చు కదా ఇలాంటి చిన్న విషయాలు ఎందుకు పట్టించుకుంటాడు అంటూ అభిప్రాయ పడ్డాడు.

సుధీర్, రామ్ ప్రసాద్, శీను ముగ్గురి స్నేహం చాలా బాగుంటుందని ఇప్పటికి వాళ్ళు అలానే ఉన్నారు, మేనేజర్ ఏడు కొండలు జబర్దస్త్ లో ఉన్నపుడు అన్ని తానే చూసుకునే వాడు ఇప్పుడు జబర్దస్త్ లో పరిస్థితులు ఎలా ఉన్నాయో నాకు తెలియదు అంటూ చెప్పారు. సుదీర్ గురించి ఏడుకొండలు చెప్పినవన్నీ అబద్దాలే.. తన మంచితనం టాలెంట్ వల్లే సుధీర్ కి అంత మంది అభిమానులు ఉన్నారంటూ చెప్పాడు. మొత్తానికి కిర్రాక్ ఆర్పి చేసిన విమర్శలను నిజం కాదు అంటూ చెప్పకనే చెప్పాడు జబర్దస్త్ ఫణి. మళ్ళీ జబర్దస్త్ లో అవకాశం వస్తే ఖచ్చితంగా చేస్తానని చెప్పాడు.