Actor Baladithya : నేను సుహాసిని పెళ్లిచేసుకోబోతున్నాం అని… మేము వాటి గురించి ఆలోచించలేదు..: నటుడు బాలాదిత్య

Actor Baladithya : బాలనటుడిగా 40 కి పైగా సినిమాల్లో నటించి ఆ తరువాత హీరోగా దాదాపు పది సినిమాలను చేసిన బాలాదిత్య ప్రస్తుతం బిగ్ బాస్ సీజన్ 6 లో కంటెస్టెంట్ గా కూడా వచ్చారు. చైల్డ్ ఆర్టిస్ట్ గా తన అన్న కౌశిక్ తో కలిసి సీరియల్స్, సినిమాల్లో నటించిన బాలాదిత్య తన నటనకు నంది అవార్డు కూడా అందుకున్నాడు. ఇక హీరోగా ‘చంటిగాడు’ సినిమాతో ఎంట్రీ ఇచ్చినా ఆ సినిమా ఓ మోస్తరుగా ఆడినా ఆ తరువాత్స్ పెద్దగా హిట్లు లేకపోవడంతో చదివు మీద దృష్టి పెట్టి సినిమాలకు దూరమయ్యడు. ఇక మళ్ళీ సినిమాల్లోకి ఎంట్రీ ఇచ్చిన బాలదిత్య ఓటీటి ప్లాట్ ఫామ్ లో తన నటనకు ఆస్కారమున్న కథలను చేస్తున్నారు. ఇక చిన్న వయసులోనే పెద్ద దర్శకులతో పనిచేసిన బాలాదిత్య అప్పటి అనుభవాలను పంచుకున్నారు.

సుహాసిని తో నా రిలేషన్…

బాలాదిత్య హీరోగా చేసిన మొదటి సినిమా చంటిగాడు. ఆ సినిమాలో హీరోయిన్ గా నటించిన సుహాసిని గురించి మాట్లాడుతూ మేమిద్దరం మంచి స్నేహితులం అంటూ చెప్పారు. ఇక ఆ సినిమా తరువాత మళ్ళీ ‘సుందరానికి తొందరెక్కువ’ సినిమాలో కూడా నటించారు. రెండు సినిమాల్లో కలిసి నటించడం, అదీకాక ఏదైనా ఈవెంట్ జరిగినా ఫంక్షన్స్ కైనా ఇద్దరూ కలిసి వెళ్లడం లాంటివి చేయడంతో అప్పట్లో మీడియాలో వీళ్లిద్దరూ ప్రేమించుకుంటున్నారు, త్వరలో పెళ్లి చేసుకోబోతున్నారు అనే వార్తలు వినిపించేవి.

ఇక వీటి గురించి బాలాదిత్య మాట్లాడుతూ అవన్నీ ఒట్టి పుకార్లే అందిలో నిజం లేదు. మొదటి సినిమా నుండి తాను పరిచయం, మేమిద్దరం అప్పటి నుండి మంచి స్నేహితులం అంటూ చెప్పారు. మా మధ్య మంచి ఫ్రెండ్షిప్ ఉంది అంటూ చెప్పారు. అందుకే మా గురించి ఎలాంటి రూమర్స్ పట్టించుకోలేదు అంటూ మాట్లాడారు. ఇక బాలాదిత్య 2016 లో పెద్దలు కుదుర్చిన వివాహం చేసుకున్నారు.