Actor Chandra Mohan: శోభన్ బాబు చెప్పినా వినలేదు.. 100 కోట్ల ఆస్తి నష్టపోయాను: చంద్రమోహన్

Actor Chandra Mohan: తెలుగు సినిమా ఇండస్ట్రీలో నటుడిగా సుమారు 1000 సినిమాలకు పైగా నటించి ఎంతో మంచి గుర్తింపు సంపాదించుకున్న సీనియర్ నటుడు చంద్రమోహన్ గురించి పరిచయం అవసరం లేదు. ఈయన హీరోగా ఎన్నో అద్భుతమైన సినిమాలలో నటించారు. అనంతరం క్యారెక్టర్ ఆర్టిస్ట్ గా ఎన్నో సినిమాలలో తండ్రి పాత్రలలో కూడా నటించి సందడి చేశారు. ప్రస్తుతం వయసు పై పడటంతో ఈయన సినిమా ఇండస్ట్రీకి దూరంగా ఉన్నారు.

ఇంటర్వ్యూలో పాల్గొన్నటువంటి చంద్రమోహన్ మొదటిసారి తన గురించి తన ఫ్యామిలీ గురించి పలు విషయాలను చెప్పుకొచ్చారు.ఇకపోతే ఈ ఇంటర్వ్యూలో భాగంగా చంద్రమోహన్ భార్య జలంధర మాట్లాడుతూ పలు విషయాలను తెలియజేశారు.ఈ సందర్భంగా జరంధరం మాట్లాడుతూ చంద్రమోహన్ గారి చేతి నుంచి ఒక రూపాయి ఎవరైనా అందుకున్న వారికి బాగా కలిసి వస్తుందని చెప్పుకొచ్చారు.

ఈ క్రమంలోనే ప్రతి ఏడాది జనవరి ఒకటవ తేదీ ఎంతోమంది ఈయనతో కనీసం ఒక్క రూపాయి అయినా ఇప్పించుకోవడం కోసం పెద్ద ఎత్తున ఇక్కడికి తరలి వస్తారు అంటూ చెప్పుకొచ్చారు.చంద్రమోహన్ ఇంటర్వ్యూలో మాట్లాడుతూ తన సినిమా ఇండస్ట్రీలో సంపాదించిన దానికన్నా పోగొట్టుకున్నదే ఎక్కువగా ఉందని సుమారు 100 కోట్లకు పైగా ఆస్తులను పోగొట్టుకున్నానని తెలిపారు.

Actor Chandra Mohan: ఆస్తులన్నీ అమ్ముకున్నాను…

గొల్లపూడి మారుతీరావు కొంపల్లి వద్ద ద్రాక్ష తోట కొన్నారు. నన్ను కొనమని చెబితే నేను కూడా 35 ఎకరాల పొలం కొన్నారు. అయితే ఆ పొలం మెయింటెన్సెస్ చేసే స్తోమత లేకపోవడంతో అమ్మాలని నిర్ణయించుకున్నాను. అలాగే మద్రాసులో ఉన్నటువంటి 15 ఎకరాలను అమ్మాను. శంషాబాద్ దగ్గర రోడ్డుకు ఉన్నటువంటి ఆరు ఎకరాల భూమిని కూడా ఆమ్మాను.అయితే నేను ఆస్తులు అమ్ముతున్న సమయంలో శోభన్ బాబు ఇలా అమ్మవద్దు అని ఎంత చెప్పినా వినకుండా నేను అప్పట్లోనే ఇంత ఆస్తిని అమ్మానని అయితే ప్రస్తుతం ఈ ఆస్తులు విలువ సుమారు 100 కోట్లకు పైగా ఉంటుందని, తాను 100 కోట్ల రూపాయల ఆస్తిని పోగొట్టుకున్నానంటూ ఈ సందర్భంగా ఈయన తెలియజేశారు.