Actor Krishna: ఆ నాలుగు కోరికలు తీరకుండానే మరణించిన సూపర్ స్టార్.. ఆ కోరికలు ఏమిటంటే?

Actor Krishna: టాలీవుడ్ ఇండస్ట్రీలో ఎంతో పేరు ప్రఖ్యాతలు సంపాదించుకున్న సూపర్ స్టార్ కృష్ణ ఇకలేరు. ఈయన నేడు తెల్లవారుజామున నాలుగు గంటలకు కాంటినెంటల్ హాస్పిటల్ లో చికిత్స తీసుకుంటూ తుదిశ్వాస విడిచారు. గుండెపోటు రావడంతో కాంటినెంటల్ హాస్పిటల్ కు చేరిన కృష్ణ వెంటిలేటర్ చికిత్స తీసుకుంటూ నేడు తెల్లవారుజామున మృతి చెందారు.

ఈ విధంగా కృష్ణ మరణించడంతో ఎంతో మంది సినీ సెలెబ్రిటీలు కృష్ణ నివాసానికి చేరుకొని ఆయనకు నివాళులు అర్పిస్తున్నారు.ఇకపోతే కృష్ణ మరణించిన తర్వాత ఆయన గురించి ఎన్నో విషయాలు ఎంతోమంది గుర్తు చేసుకుంటున్నారు. ఈ క్రమంలోనే కృష్ణ గారు మరణించడంతో ఆయన చివరి 4 కోరికలు తీరకుండానే మరణించారని వార్తలు వస్తున్నాయి.

తెలుగు సినిమా ఇండస్ట్రీలో అల్లూరి సీతారామరాజు వట్టి అద్భుతమైన పాత్రలో నటించి ప్రేక్షకుల మధ్యలో చెరగని ముద్ర వేసినటువంటి కృష్ణ అలాంటి తరహా పాత్రలో నటించాలని భావించారట. ఈ క్రమంలోనే చత్రపతి శివాజీ పాత్రలో నటించాలని ఆశపడ్డారు. అయితే ఇలాంటి సినిమాలలో నటిస్తే మతపరమైన వివాదాలు తలెత్తుతాయని ఈ పాత్రలో నటించకుండా ఉండిపోయారు.

Actor Krishna:తీరకుండా మిగిలిపోయిన కోరికలు…

ఇక తన కుమారుడు మహేష్ బాబుని జేమ్స్ బాండ్ లాంటి పాత్రలో చూడాలన్నది కృష్ణ గారి కోరికట. అయితే మహేష్ బాబు తన తండ్రి చేసిన సినిమాలను రీమేక్ చేయడానికి పూర్తిగా వ్యతిరేకత చూపించడంతో మహేష్ బాబును జేమ్స్ బాండ్ పాత్రలో చూడలేక ఆ కోరిక కూడా అలాగే మిగిలిపోయిందట.ఇక బాలీవుడ్ నటుడు అమితాబ్ నిర్వహిస్తున్నటువంటి కౌన్ బనేగా కరోడ్ పతి వంటి ఓ కార్యక్రమాన్ని చేయాలని కోరికగా ఉండేదట ఈ కోరిక కూడా నెరవేరకుండా పోయింది.ఇకపోతే తన కుమారులు మహేష్ బాబు రమేష్ బాబుతో కలిసి నటించిన కృష్ణకు తన మనవడితో కలిసి నటించాలని కోరికగా ఉండేది కథ కుదిరితే తప్పకుండా చేయాలని ఆశపడ్డారట. అయితే ఈ కోరికలు తీరకుండానే సూపర్ స్టార్ కృష్ణ గారు కన్నుమూశారు.