Super Star Krishna: కృష్ణ మృతికి కారణాలు వెల్లడించిన కాంటినెంటల్ వైద్యులు.. ఏమన్నారంటే?

Super Star Krishna: నటశేఖరుడు సూపర్ స్టార్ కృష్ణ నేడు తెల్లవారుజామున 4 గంటల సమయంలో తుది శ్వాస విడిచారు.ఇలా ఈయన మరణించారనే వార్త తెలియగానే చిత్ర పరిశ్రమ తీవ్ర దిగ్భ్రాంతి వ్యక్తం చేస్తుంది. గుండెపోటు రావడంతో ఈయనని గచ్చిబౌలిలోని కాంటినెంటల్ ఆసుపత్రికి తరలించారు. అక్కడ చికిత్స తీసుకుంటూ కృష్ణ మరణించారు. ఇక ఈయన మరణం గురించి కాంటినెంటల్ వైద్యుడు గురు ఎన్ రెడ్డి స్పందించారు.

ఈ సందర్భంగా ఈయన మీడియాతో మాట్లాడుతూ సూపర్ స్టార్ కృష్ణ మరణించడానికి గల కారణాలను తెలియజేశారు. ఆదివారం రాత్రి రెండు గంటల సమయంలో సూపర్ స్టార్ కృష్ణ గారిని ఆసుపత్రికి తీసుకువచ్చారు అప్పటికే ఆయన స్పృహ లేకుండా పడిపోవడంతో దాదాపు 20 నిమిషాల పాటు కష్టపడి సిపిఆర్ చేసి ఆయనని స్పృహలోకి తీసుకు వచ్చాము. అయితే అప్పటికే ఆయన పరిస్థితి చాలా విషమంగా ఉందని గురు ఎన్ రెడ్డి తెలిపారు.

ఇలా స్పృహలోకి వచ్చిన ఆయనకు వెంటిలేటర్ పై చికిత్స అందించామని అయితే గంట గంట ఆయన పరిస్థితి విషమంగా మారిందని తెలిపారు.ఇలా ఆయనకు వెంటిలేటర్ పై చికిత్స అందించినప్పటికీ ఆయనకు మల్టిపుల్ ఆర్గాన్స్ దెబ్బ తినడంతో ఆయనకు నాలుగు గంటల తర్వాత డయాలసిస్ కూడా చేశామని డాక్టర్ వెల్లడించారు. అయితే గడిచే కొద్ది ఆయన పరిస్థితి విషమించడంతో చికిత్స అందించిన ఫలితం ఉండదని భావించి ఇదే విషయాన్ని తమ కుటుంబ సభ్యులకు తెలియజేశాము.

Super Star Krishna: బ్రెయిన్ డ్యామేజ్ కూడా జరిగింది..

ఏ క్షణమైనా ఏదైనా జరగవచ్చనీ కుటుంబ సభ్యులకు ఆయన ఆరోగ్య పరిస్థితి గురించి ఎప్పటికప్పుడు అప్డేట్ ఇస్తూ వచ్చాము. ఇక అతనికి చికిత్స అందించిన ప్రయోజనం లేదని భావించి చివరి క్షణాలలో తనని ఇబ్బంది పెట్టకూడదనీ భావించామని డాక్టర్ గురు ఎన్ రెడ్డి తెలిపారు. ఇక ఈయనకు మల్టిపుల్ ఆర్గాన్స్ దెబ్బ తినడమే కాకుండా బ్రెయిన్ లో డామేజ్ కూడా ఉండడంతో ఈయన పరిస్థితి విషమించి మంగళవారం తెల్లవారుజామున నాలుగు గంటలకు ఆయన తుది శ్వాస విడిచారని కృష్ణ మరణం గురించి కాంటినెంటల్ వైద్యుడు మీడియా సమావేశంలో తెలియజేశారు.