Actor Raj Kumar : చిరంజీవి గారు వాడిన కారు నేను కొన్నా… కారు నెంబర్ ఏంటంటే…: యాక్టర్ రాజ్ కుమార్

Actor Raj Kumar : రాజ్ కుమార్ ను తెలుగులో మొదట పరిచయం చేసింది దాసరి నారాయణ రావు గారు. అయన సినిమా ‘అమ్మ రాజీనామా’లో హీరోగా రాజ్ కుమార్ నటించారు. అయినా రాజ్ కుమార్ ను తెలుగు ఇండస్ట్రీ పెద్దగా పట్టించుకోలేదు కానీ కన్నడలో మాత్రం హీరోగా సక్సెస్ చూసారు రాజ్ కుమార్. తెలుగులో మాత్రం సినిమాల్లో కంటే సీరియల్స్ తో బాగాపేరు తెచ్చుకున్నారు. ఈటీవీలో విధి, జెమినీ లో పవిత్ర బంధం వంటి హిట్ సీరియల్స్ లో హీరోగా చేసారు. దాదాపు 12 సంవత్సరాలు బ్రేక్ లేకుండా సీరియల్స్ చేసిన ఆయన తెలుగులో హీరోగా హిట్ కొట్టాలనే కోరికతో ‘బారిష్టర్ శంకర్ నారాయణ’ అనే సినిమాలో నటించారు. ఈ సినిమాకు రాజ్ కుమార్ భార్య నిర్మాత అయితే ఫేమస్ కోరియోగ్రాఫర్ తార మాస్టర్ సినిమాకు దర్శకత్వం వహించారు. ఈ సినిమాలో రాజ్ కుమార్ డ్యూయల్ రోల్ లో చేసారు. ఈ సినిమా తెలుగులో ఎవరూ పట్టించుకోకపోయినా కన్నడలో మాత్రం సూపర్ హిట్ అయింది.

చిరంజీవి గారి కారు కొన్నాను…

రాజ్ కుమార్ గారి తండ్రి నెల్లూరులో టౌన్ షిప్ అధికారిగా ఉన్న సమయంలో వారుంటున్న ఒక్క వీధిలోనే చిరంజీవి గారి ఇల్లు ఉండేదట. సినిమాల్లోకి వెళ్తానని రాజ్ కుమార్ గారు తండ్రిని అడిగినప్పుడు మొదట్లో వద్దన్నా చివరికి ఒప్పుకుని చెన్నై లో ఇల్లు తీసి పెట్టారట. ఆ సమయంలోనే నెల్లూరులో చిరంజీవి గారి కారు అమ్ముతున్నారని తెలిసీ కొత్త కారు కొనాలనే ఆలోచన పక్కన పెట్టి ఆ కారు కొన్నారట. ఆ కారు నెంబర్ కూడా TSE2 గా ఉండేదట.

ఆ కారును రిపేర్ చేసి రాజ్ కుమార్ గారి కోసం చెన్నై కి పంపారట. అలా చచిరంజీవి గారు వాడిన కారు నేను వాడాను అంటూ చెప్పారు రాజ్ కుమార్. మొదట్లో తండ్రి సినిమాల్లోకి వద్దని చెప్పినా చివరకు ఆయనే ఇల్లు, కారు ఏర్పాటు చేసి నెల ఖర్చులకు డబ్బులిచ్చి ప్రయత్నించమని యాక్టింగ్ కోర్సులు వంటివి వద్దు నేరుగా ప్రయత్నించమని సలహా ఇచ్చారట. అలా దాసరి గారు పరిచయం అవడం అమ్మ రాజీనామా లో హీరోగా చేసారు రాజ్ కుమార్.