ActorTaapsee: ఇంకోసారి అలా చేయొద్దు.. ఫోటోగ్రాఫర్లకు వార్నింగ్ ఇచ్చిన నటి తాప్సీ.. అసలేమైందంటే?

Actor Taapsee: తెలుగు చిత్ర పరిశ్రమకు ఝుమ్మంది నాదం సినిమా ద్వారా పరిచయమయ్యారు సొట్టబుగ్గల సుందరి తాప్సీ. ఇలా తెలుగులో పలు సినిమాలలో నటించిన ఈమె అనంతరం బాలీవుడ్ ఇండస్ట్రీకి వెళ్లి అక్కడే స్థిరపడ్డారు.బాలీవుడ్ ఇండస్ట్రీలో నటిగా ఎన్నో సినిమాలలో నటించడమే కాకుండా తాజాగా నిర్మాణ సంస్థను కూడా ప్రారంభించి ఇండస్ట్రీలో కొనసాగుతున్నారు.

ఇకపోతే తాప్సీ గతంలో ఎన్నోసార్లు ఫోటోగ్రాఫర్లపై తీవ్రస్థాయిలో ఆగ్రహం వ్యక్తం చేసిన విషయం మనకు తెలిసిందే.ముఖ్యంగా ఆమె నటించిన దొబెరా సినిమా ప్రమోషన్ కార్యక్రమాలలో భాగంగా ఈమె కోసం ఫోటోగ్రాఫర్లు ఎక్కువ సమయం పాటు ఎదురుచూసిన అనంతరం ఈమె వారిని పట్టించుకోకుండా వెళ్లడంతో ఫోటోగ్రాఫర్లు కొంతమేర అసహనం వ్యక్తం చేయడంతో ఒక్కసారిగా ఫోటోగ్రాఫర్లపై తాప్సీ విరుచుకుపడింది.

ఇలా ఈ ఘటనతో ఈమె సోషల్ మీడియా వార్తలలో నిలిచారు. అయితే ఈ విషయం మర్చిపోకముందే మరోసారి ఈమె ఫోటోగ్రాఫర్లకు వార్నింగ్ ఇచ్చారు. తాజాగా తాప్సీ ఓ కార్యక్రమం అనంతరం తిరిగి వెళుతుండగా ఆమె కారులోకి వెళ్లి కూర్చొని కారు డోర్ వేసుకోబోతుండగా ఒక ఫోటోగ్రాఫర్ ఆమె కారు డోరు వేయకుండా చేతిని అడ్డు పెట్టారు.

Actor Taapsee: తాప్సీనీ అడ్డుకున్న ఫోటోగ్రాఫర్…

ఈ విధంగా ఫోటోగ్రాఫర్ చేతిని అడ్డుగా పెట్టడంతో తాప్సీ మండిపడింది. ఇంకోసారి ఇలా చేయొద్దు అంటూ తనకు వార్నింగ్ ఇవ్వడంతో చేసేదేమీ లేక ఫోటోగ్రాఫర్ తన చేతిని తీశారు.ఈ క్రమంలోనే ఇందుకు సంబంధించిన వీడియో ప్రస్తుతం సోషల్ మీడియాలో వైరల్ గా మారింది. అయితే ఈ విషయంపై కొందరు తాప్సీని విమర్శించగా, మరికొందరు మద్దతు తెలుపుతున్నారు.ఏది ఏమైనా ఇలా వరుసగా తాప్సీ ఫోటోగ్రాఫర్లపై అసహనం వ్యక్తం చేయడంతో నేటిజెన్ల ఆగ్రహానికి గురవుతుంది.