Actress Bhanupriya: భానుప్రియ డైరెక్టర్ వంశీ మధ్య లవ్ స్టోరీ తెలిస్తే షాక్ అవ్వాల్సిందే.. ప్రేమలో ఉన్న ఈ జంట విడిపోవడానికి అదే కారణమా?

Actress Bhanupriya: తెలుగు సినిమా ఇండస్ట్రీలోకి సితార సినిమాతో ఎంట్రీ ఇచ్చారు నటి భానుప్రియ. ఇండస్ట్రీలో వరుసగా అవకాశాలు వచ్చాయి. ఇకపోతే డైరెక్టర్ వంశీతో మంచి పరిచయం ఏర్పడటం వల్ల వీరిద్దరి మధ్య ఎంతో స్నేహబంధం ఏర్పడటమే కాకుండా ఆ బంధం ప్రేమగా మారింది.ఇలా వీరిద్దరి కాంబినేషన్లో వచ్చిన ఈ సినిమా మంచి హిట్ అవడంతో తిరిగి వీరి కాంబినేషన్లో సూపర్ హిట్ సినిమాలు ప్రేక్షకుల ముందుకు వచ్చాయి.

ఈ విధంగా భానుప్రియ వంశీ పై ఎంతో శ్రద్ధ తీసుకోవడమే కాకుండా ఆమె ఇతర డైరెక్టర్లతో సినిమాలు చేస్తున్నప్పటికీ వంశీ సలహాలు సూచనలు మాత్రం తీసుకునేది.ఇలా వీరిద్దరూ ఎంతో చనువుగా ఉండడంతో వీరిద్దరూ ప్రేమలో ఉన్నారని పెద్ద ఎత్తున వార్తలు షికార్లు చేశాయి.ఇక ఈ వార్తలు ఆ నోట ఈ నోట చివరికి భానుప్రియ తల్లి వరకు చేరడమే కాకుండా మరోవైపు వంశీ భార్యకు కూడా ఈ విషయం తెలిసింది.

ఇక ఈ విషయం తెలిసిన భానుప్రియ తల్లి తన కూతురిని వంశీకి దూరంగా ఉండాలని సూచించారట. అప్పటికే తనకు పెళ్లి కావడంతో భానుప్రియ ప్రేమను తన తల్లి ఏ మాత్రం అంగీకరించలేదు. ఇక భానుప్రియ తన తల్లి చెప్పిన మాట విని వంశీని దూరం పెడుతూ వచ్చారు. ఇలా తను దూరం కావడాన్ని తట్టుకోలేకపోయిన కృష్ణవంశీ సరాసరి భానుప్రియ ఇంటికి వెళ్లి తనని పెళ్లి చేసుకుంటానని అడిగారట.

Actress Bhanupriya: తల్లి మాటను కాదనలేక ప్రేమను త్యాగం చేసిన భానుప్రియ…

ఈ విషయం విన్న భానుప్రియ తల్లి మరోసారి తన ఇంటి దరిదాపుల్లోకి కూడా రాకూడదని వంశీకి వార్నింగ్ ఇచ్చి పంపించారని తెలుస్తోంది. మరోవైపు వంశీ భార్య సైతం ఈ విషయం తెలిసే తన భర్తను భానుప్రియకు దూరం చేసింది. ఇలా ప్రేమలో ఉన్న ఈ జంట చివరికి విడిపోవాల్సి వచ్చింది. అయితే భానుప్రియ అనంతరం మరొక వ్యక్తిని ప్రేమించి పెళ్లి చేసుకొని అమెరికా వెళ్లి స్థిరపడ్డారు. అయితే మనస్పర్ధలు కారణంగా భానుప్రియ కూతురు జన్మించినాక విడాకులు తీసుకొని ఇండియా తిరిగి వచ్చారు.అయితే ఈమె విడాకులు తీసుకున్న తర్వాత కూడా ఎలాంటి వివాహం చేసుకోకుండా తన కూతురు బాగోగులు చూసుకుంటూ తిరిగి ఇంట్రెస్టిలోకి అడుగుపెట్టారు.