Actress RamyaSree : నాకు అన్యాయం జరిగింది… శ్రీశైలం యాదవ్ నా దగ్గర డబ్బు తీసుకుని 15 సంవత్సరాలు అయింది… ఇప్పటి వరకు లాండ్ చూపించలేదు…: నటి రమ్య శ్రీ

Actress RamyaSree : వైజాగ్ లో పుట్టి పెరిగిన నటి రమ్య శ్రీ ‘నువ్వు నేను’ సినిమాలో కాలేజీ లెక్చరర్ గా నటించి గుర్తింపు అందుకున్నారు. ఆపైన తప్పుచేసి పప్పు కూడు, ఆది, ప్రేమలో పావని కళ్యాణ్, సింహాద్రి ఇలా పలు హిట్ సినిమాల్లో నటించి పేరు తెచ్చుకున్నారు. ‘ఓ మళ్ళీ’ అనే ఒక సినిమాకు దర్శకత్వం కూడా వహించిన రమ్యశ్రీ గారు ఆ సినిమాలో గిరిజన మహిళగా తన నటనకు నంది జ్యూరీ అవార్డును అందుకున్నారు. స్క్రీన్ రైటర్ గాను డైరెక్టర్, నిర్మాత, నటి ఇలా అన్ని రంగాల్లోను రాణించిన ఆమె కొంతమంది వ్యక్తుల చేతిలో మోసపోయానని డబ్బు తిరిగి ఇవ్వకుండా మోసం చేసారంటూ తాజాగా ఒక ఇంటర్వ్యూలో ఆరోపించారు.

శ్రీశైలం యాదవ్ ఇప్పటికీ లాండ్ ఇవ్వలేదు…

రమ్య శ్రీ గారు తనను ఆర్థికంగా మోసం చేసిన వారి గురించి మాట్లాడుతూ కుటుంబం సభ్యులు స్నేహితుల కోసం ఎంతో చేశాను, కోట్లు విలువ చేసే లాండ్ వదులుకున్నాను, అది ధర్మం. కానీ భవిష్యత్తులో ఉపయోగపడుతుందని నమ్మి ఒకరి వద్ద లాండ్ కొంటే ఫ్రాడ్ చేసారు. టీడీపీ పార్టీ పేరు చంద్రబాబు పేరు వాడుకుని మోసం చేసారు. చంద్రబాబు వద్దకు వెళ్లి కూర్చుంటే నాకు న్యాయం జరుగుతుంది కానీ నేను వెళ్ళలేదు.

అతనిని నేరుగా ఇప్పటికీ అడుగుతున్నాను నాకు రావాల్సిన డబ్బు ఇవ్వమని అమరావతిలో స్థలం ఇప్పిస్తానని మోసం చేసాడు. నాకు ఓపిక ఉన్నంత వరకు పోరాడుతా నశించిన రోజు ఎంత దాకా అయినా వెళ్తాను అంటూ చెప్పారు. ఇక శ్రీశైలం యాదవ్ అనే మరో వ్యక్తి ఇప్పటికి డబ్బు తీసుకుని 15 ఏళ్ళు అయినా ఇంతవరకు లాండ్ ఇవ్వలేదు. అతని గురించి ఇప్పటికీ పోరాడుతున్నా, మొదటి సారి ఈ విషయాలను మీడియాలో చెబుతున్నాను అంటూ రమ్య శ్రీ తెలిపారు.