Actress Sana: దుబాయ్ తీసుకెళ్లి ఎన్నో చిత్రహింసలు పెట్టారు… నటి సన సంచలన వ్యాఖ్యలు!

Actress Sana: దక్షిణాది సినిమా ఇండస్ట్రీలో క్యారెక్టర్ ఆర్టిస్టుగా సుమారు 600కు పైగా సినిమాలలో నటిస్తూ ఎంతో మంచి గుర్తింపు సంపాదించుకున్నటువంటి వారిలో నటి సన ఒకరు. ఇలా ఈమె సినిమాలలో నటించడమే కాకుండా బుల్లితెర సీరియల్స్ లో కూడా నటిస్తూ సందడి చేశారు. ఇక తాజాగా ఈమె రంగ మార్తాండ సినిమాలో నటించి సందడి చేశారు. ఇక ఈ సినిమా విడుదలవుతున్న నేపథ్యంలో ఒక ఇంటర్వ్యూలో పాల్గొన్నారు.

ఈ ఇంటర్వ్యూ సందర్భంగా తన మాట్లాడుతూ పలు విషయాలను తెలియచేశారు.తన వ్యక్తిగత విషయాల గురించి మాట్లాడుతూ చిన్నప్పటినుంచి తనకు సినిమాలంటే ఎంతో ఇష్టం అయితే పదో తరగతిలోనే తన పెళ్లి జరిగిందని పెళ్లి తర్వాత పిల్లలు పుట్టిన తరువాత తన అత్తమామల ప్రోత్సాహంతో ఇండస్ట్రీలోకి వచ్చానని తెలిపారు. ఇక ఇండస్ట్రీలో తనకు పెళ్ళై పిల్లలు ఉన్నారని తెలియడంతో హీరోయిన్ గా అవకాశాలు రాకపోవడంతో క్యారెక్టర్ ఆర్టిస్ట్ గా స్థిరపడినట్లు తెలిపారు.

ఇక హీరోయిన్ గా అవకాశాలు అందుకోవాలని పొట్టి దుస్తులు ధరించాలని స్లిమ్ సూట్ వేసుకోవాలని కండిషన్ లు పెట్టారు. ఈ కండిషన్లకు ఒప్పుకోకపోవడంతో తనకు హీరోయిన్ గా అవకాశాలు రాలేదని తెలిపారు. ఇక తన కుమార్తె గురించి ఈమె మాట్లాడుతూ తాను తన చేతుల మీదుగా ఎందరికో పెళ్లిళ్లు చేశాను. వారందరూ కూడా చాలా సంతోషంగా ఉన్నారు కానీ తన కూతురు జీవితం మాత్రం కఠినంగా గడిచిందని తెలిపారు.

Actress Sana: తన కూతురిని ఎన్నో చిత్రహింసలు పెట్టారు…

తన కూతురికి ఎంతో అంగరంగ వైభవంగా వివాహం చేయగా తన అత్తమామలు తనని దుబాయ్ తీసుకెళ్లారని తెలిపారు. అయితే అక్కడ తన కూతురిని చిత్రహింసలు పెట్టి డబ్బు బంగారం మొత్తం లాక్కున్నారని తెలిపారు. అయితే ఈ విషయాలు తన కూతురు తన వద్ద దాచి పెట్టిందని నేనే మెల్లిమెల్లిగా అన్ని తెలుసుకొని తనని ఆ నరకం నుంచి బయటకు తీసుకువచ్చి తనని కాపాడుకున్నాను అంటూ సంచలన వ్యాఖ్యలు చేశారు. ఇలా ఈమె చేసినటువంటి ఈ కామెంట్స్ వైరల్ అవుతున్నాయి.