Actress Sharmeen: మేకప్ రూమ్ లో అగ్ని ప్రమాదం… మంటల్లో చిక్కుకొని ప్రమాదంలో పడ్డ నటి!

Actress Sharmeen: సినిమా మనకు రెండు గంటల పాటు ఎంతో వినోదాన్ని అందిస్తుంది.ఈ రెండు గంటల సినిమా చూసే ప్రతి ఒక్కరు ఎంతో సంబరపడిపోతుంటారు. అయితే ఆ రెండు గంటల సినిమా వెనుక కొన్ని నెలల కష్టం ఉంటుంది. ఒక సినిమాని చేయడం కోసం ఎంతోమంది నెలల పాటు శ్రమించాల్సి ఉంటుంది. ఇలా సినిమా షూటింగ్ సమయంలో ఎంతోమంది ఎన్నోసార్లు ప్రమాదాలలో పడి ప్రాణాలతో బయటపడుతుంటారు.

ఇలా షూటింగ్లో తరచూ ప్రమాదాలు చోటు చేసుకుంటూ కొందరు ప్రాణాలు కోల్పోయిన సంఘటనలు కూడా ఉన్నాయి. తాజాగా బాంగ్లాదేశ్ కు చెందిన ఓ నటి ఇలాంటి ప్రమాదానికి గురయ్యారు. బంగ్లాదేశీ నటి షర్మీన్‌ అకీ అగ్ని ప్రమాదానికి గురయ్యారు. ప్రస్తుతం ఈమె ఓ సినిమాలో నటిస్తున్నారు. ఈ సినిమా శరవేగంగా షూటింగ్ పనులను జరుపుకుంటుంది. అయితే ఈ సినిమా షూటింగ్ సమయంలో మేకప్ రూమ్ లో భారీ పేలుడు సంభవించింది.

ఇలా అగ్ని ప్రమాదం చోటు చేసుకోవడంతో సెట్ మొత్తం కాలిపోయింది అయితే ఆ మంటల్లో నటి షర్మీన్‌ చిక్కుకోవడంతో ఆమె శరీరం 35% కాలిపోయిందని తన పరిస్థితి విషమంగా ఉందని తెలుస్తోంది.ఇలా మంటల్లో చిక్కుకున్న ఈమెను చిత్ర బృందం రక్షించి తనని హుటాహుటిన ఆసుపత్రికి తరలించారు. అయితే ప్రస్తుతం తన శరీరం వైద్యానికి సహకరించలేదని తెలుస్తోంది.

Actress Sharmeen: అగ్నిప్రమాదంలో గాయపడ్డ నటి..

ఈ మంటల్లో చిక్కుకున్న ఈమె కాళ్లు చేతులతో పాటు వెంట్రుకలు ఇతర శరీర భాగాలు కాలిపోయాయని తెలుస్తోంది. ప్రస్తుతం ఈమె షేక్ హసీనా నేషనల్ ఇన్స్టిట్యూట్ ఆఫ్ బర్న్స్ అండ్ ప్లాస్టిక్ సర్జరీ హాస్పిటల్లో చికిత్స తీసుకుంటున్నారు. ఇక తనకు ప్లాస్మా తక్కువ కావడంతో ప్లాస్మా ఎక్కించామని వైద్యలో వెల్లడించారు. ఇలా ప్రమాదంలో తీవ్ర గాయాల పాలై విషమ పరిస్థితిలో ఉన్నటువంటి ఈమె త్వరగా కోలుకోవాలని అభిమానులు ప్రార్థిస్తున్నారు.