Actress Sitara: చిన్నతనంలోనే హీరోయిన్ గా రావడంతో చాలా కోల్పోయాను : నటి సితార

Actress Sitara: తెలుగు ప్రేక్షకులకు సీనియర్ నటి,హీరోయిన్ సితార గురించి ప్రత్యేకంగా పరిచయం అక్కర్లేదు. అప్పట్లో అగ్ర హీరోలందరి సరసన నటించిన హీరోయిన్ గా తనకంటూ ఒక ప్రత్యేకమైన గుర్తింపు ఏర్పరుచుకుంది. కేవలం తెలుగులోనే కాకుండా హిందీ, తమిళం, మలయాళం భాషల్లో కూడా పలు సినిమాల్లో నటించి నటిగా తనకంటూ ఒక ప్రత్యేకమైన గుర్తింపును ఏర్పరుచుకుంది.

నటి సితార మొదట 1990 సంవత్సరంలో వచ్చిన మనసు మమత అనే సినిమాతో సినీ ఇండస్ట్రీకి ఎంట్రీ ఇచ్చింది. మొదటి సినిమాతోనే నటిగా మంచి గుర్తింపు ఏర్పరచుకున్న సితార అందం అభినయంతో ప్రేక్షకులను కట్టిపడేసింది. అంతే కాకుండా తెలుగులో ఎన్నో సినిమాల్లో నటించి నటిగా తనకంటూ ఒక ప్రత్యేకమైన మార్క్ ని క్రియేట్ చేసుకుంది. ఇకపోతే ఇటీవలె సెకండ్ ఇన్నింగ్స్ మొదలు పెట్టిన సితార ప్రస్తుతం సినిమాల్లో క్యారెక్టర్ ఆర్టిస్టుగా నటిస్తోంది.

బుల్లితెరపై ప్రసారమయ్యే పలు సీరియల్స్ లో కూడా నటిస్తోంది. ఈ క్రమంలోనే మాటీవీ లో ప్రసారం అవుతున్న ఇంటింటి గృహలక్ష్మి సీరియల్ లో నటిస్తోంది. ఇకపోతే నటి సితార ఇప్పటికీ పెళ్లి చేసుకోకుండా అలాగే ఉంది అన్న విషయం తెలిసిందే. ఇక ఆమె ఎక్కడికి వెళ్లిన కూడా ఆమె పెళ్ళికి సంబంధించిన ప్రశ్నలు ఎదురవుతూనే ఉంటాయి.ఆ సమయంలో ఆమె విసుక్కోకుండా ఓపికగా సమాధానం చెబుతూ ఉంటుంది. ఇది ఇలా ఉంటే తాజాగా ఒక ఇంటర్వ్యూలో పాల్గొన్న సితార తన జీవితంలో జరిగిన ఎన్నో విషయాల గురించి చెప్పుకొచ్చింది.

ఆ లోటు ఉండిపోయింది…

ఈ సందర్భంగా సితార మాట్లాడుతూ.. ఆమె చిన్న వయసులోనే హీరోయిన్ కావడంతో టీనేజి లైఫ్ ను మిస్ అయ్యిందట. స్కూలుకు వెళ్ళినా కూడా ఆమె ఆలోచనలు అన్నీ కూడా సినిమాలతోనే నిండి ఉండేవని, దాంతో సినిమాలతోనే బిజీగా ఉండడంతో టీనేజ్ దశను పూర్తిగా ఆస్వాదించలేక పోయానని చెప్పుకొచ్చింది సితార. ఆ తర్వాత ఆమె తండ్రి అకస్మాత్తుగా మరణించడంతో ఆమెకు వెలితిగా అనిపించడంతో పాటు, ఆమె తండ్రి చెప్పిన చిన్నచిన్న పనులు చేసి ఉంటే బాగుండు అని బాధ పడిందట.