Adipursh Twitter Review ఆదిపురుష్” ట్విట్టర్ రివ్యూ : “ఆదిపురుష్” సినిమా ఎలా ఉందంటే..

Adipursh Twitter Review : ఇండియన్ సినిమా లవర్స్ ఎప్పుడెప్పుడా అని ఎదురుచూసిన రోజు రానే వచ్చేసింది. డార్లింగ్ ప్రభాస్ రాముడిగా నటించిన “ఆదిపురుష్” సినిమా థియేటర్లలోకి వచ్చేసింది. రెబల్ స్టార్ ప్రభాస్ రాముడిగా, కృతిసనన్ సీతగా నటించిన సినిమా ఈరోజు ప్రపంచవ్యాప్తంగా 9000కి పైగా స్క్రీన్స్ లో రిలీజ్ అయింది. ఇక తెలుగు రాష్ట్రాలలో పరిస్థితి ప్రత్యేకంగా చెప్పనవసరం లేదు. ఎక్కడ చూసినా “ఆదిపురుష్” మానియానే.. జై శ్రీరామ్ జై శ్రీరామ్ అంటూ థియేటర్లు లోపల బయట మారుమ్రోగిపోతున్నాయి. ఇప్పటికే ఓవర్సేస్ తో పాటు మన దేశంలో కూడా పలు చోట్ల ఈ సినిమా ఫస్ట్ డే ఫస్ట్ షో పడిపోయింది. దీంతో ఈ సినిమా చూసిన పలువురు ప్రేక్షకులు సోషమ్ మీడియా వేదికగా సినిమాపై తమ అభిప్రాయాన్ని పంచుకుంటున్నారు. సినిమా ఎలా ఉంది? రాముడిగా ప్రభాస్ ఎలా నటించాడు మొదలుగు విషయాలు ట్విట్టర్ వేదికగా చర్చిస్తున్నారు.

ఇక సినిమాపై సోషల్ మీడియాలో మిశ్రమ స్పందన వస్తుంది. ప్రభాస్ రాముడిగా యాక్టింగ్ అదిరిపోయిదని అంటున్నారు. కానీ అయనకు స్క్రీన్ స్పెస్ చాలా తక్కువ ఉందని అందువల్ల రాముడిగా ప్రభాస్ మిగిలిన వారితో పోలిస్తే చాలా తక్కువ సమయం కన్పించారనే ఫీలింగ్ కలుగుతందనే అభిప్రాయం వ్యక్తం చేస్తున్నారు. ఇక దర్శకుడి విషయానికి వస్తే.. రామాయణాన్ని నేటితరానికి కనెక్ట్ అయ్యేలా చెప్పడంలో దర్శకుడు ఓం రౌత్ ఫెయిల్ అయ్యాడనే అభిప్రాయాన్ని వ్యక్తం చేస్తున్నారు. అయితే సినిమా ఫస్ట్ హాఫ్ అద్భుతంగా ఉందని, సెకండ్ హాఫ్ చాలా లెంగ్తీగా ఉండటం వల్ల బోర్ ఫీల్ అవ్వాల్సి వస్తుందని కొందరు నెటిజన్స్ అభిప్రాయం వ్యక్తం చేస్తున్నారు. అసలు స్టోరీ మొత్త్తం ఫస్ట్ హాఫ్ లోనే చెప్పేయడంతో సెకండ్ హాఫ్ లో చెప్పడానికి ఏమీ లేక సాగదీశాడని కామెంట్ చేస్తున్నారు. మరోవైపు బ్యాక్గ్రౌండ్ మ్యూజిక్ అద్భుతంగా ఉందని అంటున్నారు. ఇక VFX అస్సలు బాలేదని వీటికన్నా సీరియల్స్ లో VFX చాలా బెటర్ గా ఉన్నాయన్న అభిప్రాయం వ్యక్తం చేస్తున్నారు.ఓవరాల్ గా సినిమా బాగుందని అందరూ తప్పకుండా సినిమా ఒక్కసారి అయినా చూడాల్సిన సినిమా అంటూ చెబుతున్నారు.