Adipurudh Mania : ఆదిపురుష్ థియేటర్లలో హనుమంతుడి కోసం సీటు… పూజలు చేస్తున్న ఆడియన్స్…!

Adipurush Mania : సాహో, రాధే శ్యామ్ డిజాస్టర్స్ గా మిగలడంతో నెక్స్ట్ వస్తున్న డార్లింగ్ సినిమాల మీద అభిమానుల అంచనాలు భారీగా ఉన్నాయి. కసిగా డార్లింగ్ సక్సెస్ కోసం వెయిట్ చేస్తున్నారు. మళ్ళీ బాహుబలి అంత రేంజ్ లో హిట్ కొట్టి సత్తా చూపాలని ఎదురుచూస్తున్నారు. ఇక ప్రభాస్ ప్రస్తుతం చేస్తున్న సినిమాలు కూడా అభిమానుల అంచనాలకు ఏమాత్రం తీసిపోని భారీ బడ్జెట్ సినిమాలు. కేజీఎఫ్ డైరెక్టర్ ప్రశాంత్ నీల్ సినిమా సలార్, మహానటి డైరెక్టర్ నాగ్ అశ్విన్ డైరెక్షన్ లో ప్రాజెక్ట్ కే, ఇక ఓం రౌత్ దర్శకత్వంలో ఆదిపురుష్. అన్నీ పెద్ద ప్రాజెక్ట్ లే అలాగే పాన్ ఇండియా సినిమాలే. ఇక ఇందులో రెండేళ్ల నుండి ఉరిస్తున్న సినిమా ఆదిపురుష్. ఈ సినిమా అప్పుడు వస్తుంది ఇప్పుడు వస్తుంది అని అభిమానులు ఎదురుచూస్తూనే ఉన్నారు. ఆఖరికి ఈ సినిమా విడుదల అయింది. నేడు అన్ని థియేటర్లలోనూ ఆదిపురుష్ మనియా మొదలయింది.

హనుమంతుడికి సెపరేట్ సీటు…

ఆదిపురుష్ సినిమాలో ప్రభాస్ మొదటి సారి రాముడిగా కనిపించడం, రామాయణంను ఓం రౌత్ సరికొత్తగా చూపించనుండటంతో ప్రభాస్ ఫ్యాన్స్ కే కాకుండా ఈ సినిమ మీద అందరికీ అంచనాలు పెరిగిపోయాయి. పాన్ ఇండియా లెవెల్ లో విడుదల అయిన ఈ సినిమా థియేటర్ల ముందు పండుగ వాతావరణం కనిపిస్తుండగా రాముడు అనగానే గుర్తచ్చే హనుమంతుడి కోసం థియేటర్లలో ఒక సీటు ఖాళీగా ఉంచడం ఇప్పుడు హాట్ టాపిక్ అయింది.

ఆదిపురుష్ ప్రదర్శిస్తున్న థియేటరల్లో ఒక సీటును హనుమంతుడు కోసం అలాగే ఉంచారు. రామ భజన ఎక్కడ జరిగినా అక్కడికి హనుమంతుడు వస్తాడని నమ్మకం. అందుకే ఆదిపురుష్ సినిమా థియేటర్లలో ఒక సీటును హనుమంతుడి కోసం కేటాయించి ప్రత్యేక పూజలు కూడా చేస్తున్నారు. హనుమంతుడి ఫోటో ఉంచి కాషాయ రంగు వస్త్రం సీటుకి కప్పి పూజ నిర్వహిస్తున్నారు. ఆదిపురుష్ థియేటర్లలో ప్రదర్శించినన్ని రోజులు ఈ ట్రెండ్ ఇలాగే కొనసాగనుంది.