Adivi Sesh: సినిమా కోసం రెండేళ్లు కష్టపడ్డాం.. దయచేసి అలా చేయకండి ఫాన్స్ ను రిక్వెస్ట్ చేసిన హీరో!

Adivi Sesh: క్షణం గూడాచారి మేజర్ వంటి ఎన్నో విభిన్నమైన సినిమాల ద్వారా ప్రేక్షకులు ముందుకు వచ్చి ఎంతో అద్భుతమైన విషయాలను తన ఖాతాలో వేసుకున్న యంగ్ హీరో అడివి శేష్ గురించి ఎంత చెప్పినా తక్కువే. తాజాగా ఈయన హిట్ 2 సినిమా ద్వారా ప్రేక్షకుల ముందుకు వచ్చారు. ఈ సినిమా ప్రమోషన్ కార్యక్రమాలలో భాగంగా ఎన్నో ఇంటర్వ్యూలకు హాజరైనటువంటి అడివి శేష్ సోషల్ మీడియా వేదికగా అభిమానులను రిక్వెస్ట్ చేస్తూ చేసినటువంటి ఒక వీడియో వైరల్ అవుతుంది.

ఈ క్రమంలోనే ఈ సినిమాలో విలన్ ఎవరు? ఈ సినిమాలో అసలు ఏంటి అనే విషయం గురించి డిసెంబర్ ఒకటవ తేదీ సాయంత్రం విడుదల చేస్తానని చెప్పినటువంటి శేష్ తను చెప్పిన విధంగానే వీడియోని విడుదల చేశారు. అయితే ఈ వీడియోలో భాగంగా శేష్ మాట్లాడుతూ ఈ సినిమాలో కిల్లర్ ఎవరు అనే విషయాన్ని తెలుసుకోవడం కోసం మీరు ఈ వీడియో పై క్లిక్ చేశారు.

నేను మిమ్మల్ని ట్రిక్ చేద్దామని ఈ వీడియో బయట పెట్టలేదు ఇందులో కిల్లర్ ఎవరు ఇందులో ఉన్నటువంటి ట్విస్టులు చెప్పడానికే ప్రయత్నం చేశాను. ఈ సినిమా కోసం రెండు సంవత్సరాలు పాటు కష్టపడి పనిచేసే మీ రెండు సెకండ్ల ఆనందం కోసం ఇందులో ఉన్నటువంటి కిల్లర్ ఎవరు అనే విషయాలను వెల్లడించలేను. నేరుగా ఈ సినిమాని మరికొన్ని గంటల్లో థియేటర్లో చూసి ఈ సినిమాలో కిల్లర్ ఎవరు అనే విషయాలను తెలుసుకోండి.

Adivi Sesh: సినిమాలను విడుదల చేయడానికి నేను భయపడను..

ఇది నేను నిజాయితీగా మిమ్మల్ని వేడుకుంటునటువంటి రిక్వెస్ట్. మీకు తెలుసు నేనెప్పుడూ సినిమాలను విడుదల చేయడానికి భయపడను. అలాగే మేజర్ సినిమా కూడా రెండు వారాల ముందే చూపించాము కేవలం ట్విస్టులు బయటకు వెళ్లకూడదన్న ఉద్దేశంతోనే ఈ సినిమాలో ట్విస్టులను బయట పెట్టలేదని తెలిపారు.