Aishwarya Arjun: ఐశ్వర్య అర్జున్ ఉమాపతిల లవ్ స్టోరీ తెలుసా…వీరి మధ్య ప్రేమ ఎలా పుట్టిందో తెలుసా?

Aishwarya Arjun: యాక్షన్ హీరో అర్జున్ కుమార్తె ఐశ్వర్య ప్రస్తుతం ఇండస్ట్రీలో హీరోయిన్గా కొనసాగుతున్నారు.ఈమె కేవలం మూడు సినిమాలలో మాత్రమే నటించారు. అయితే ఇండస్ట్రీలో హీరోయిన్గా సక్సెస్ అవ్వడం కోసం ఐశ్వర్య ప్రయత్నాలు చేస్తున్నారు అయితే గత రెండు రోజులుగా ఐశ్వర్య గురించి ఒక వార్త సోషల్ మీడియాలో వైరల్ గా మారింది.

ఐశ్వర్య ప్రముఖ తమిళ స్టార్ కమెడియన్ తంబి రామయ్య కుమారుడు ఉమాపతి రామయ్యతో ప్రేమలో ఉన్నారని త్వరలోనే వీరి వివాహం జరగబోతుందంటూ వార్తలు వస్తున్నాయి. ఈ వార్తలలో ఎంతవరకు నిజం ఉందో తెలియదు కానీ ఈ విషయం గురించి ప్రస్తుతం సోషల్ మీడియాలో ఓ వార్త వైరల్ గా మారింది. వీరిద్దరూ కలిసి ఏ సినిమాలోను నటించలేదు కానీ ఎలా ప్రేమలో పడ్డారన్న సందేహం అందరిలోనూ ఉంది.

ఈ క్రమంలోనే వీరిద్దరి మధ్య ప్రేమ ఎలా చిగురించింది అనే విషయానికి వస్తే… హీరో అర్జున్ వ్యాఖ్యాతగా వ్యవహరిస్తున్నటువంటి సర్వైవర్ అనే రియాలిటీ షోలో స్టార్ కంటెస్టెంట్ గా ఉమాపతి పాల్గొన్నారు. ఈ రియాలిటీ షో సమయంలోనే ఐశ్వర్య ఉమాపతి మధ్య పరిచయం ఏర్పడింది. ఈ పరిచయం ప్రేమగా మారింది.
ఇక ఉమాపతి కూడా కోలీవుడ్ ఇండస్ట్రీలో పలు సినిమాలలో నటిస్తూ హీరోగా కొనసాగుతున్నారు.

ఇకపోతే ఈ ఇద్దరూ ప్రేమలో ఉంటూ వీరి ప్రేమ విషయాన్ని రహస్యంగా కొనసాగిస్తూ వచ్చారు. అయితే అర్జున్ నిర్మించినటువంటి ఆంజనేయస్వామి ఆలయం ప్రారంభోత్సవ కార్యక్రమంలో భాగంగా తంబి రామయ్య కుటుంబ సభ్యులందరూ పాల్గొన్నారు. అయితే ఈ ఆలయ ప్రారంభోత్సవ కార్యక్రమంలో భాగంగా వీరిద్దరూ ప్రేమలో ఉన్నారు అనే విషయాన్ని గ్రహించిన కుటుంబ సభ్యులు వీరి వివాహం చేయడానికి నిశ్చయించారట.

Aishwarya Arjun: వచ్చే ఏడాది వివాహం…

ఈ క్రమంలోనే వీరిద్దరి వివాహం వచ్చే ఏడాది జనవరి లేదా ఫిబ్రవరి నెలలో జరగబోతోందని తెలుస్తుంది. అర్జున్,తంబి రామయ్య ఇద్దరు కూడా స్టార్స్ కావడంతో వీరి పిల్లల వివాహం చాలా ఘనంగా జరగబోతుందని ఇండస్ట్రీ సమాచారం. ప్రస్తుతం ఐశ్వర్య ఉమాపతిల లవ్ స్టోరీకి సంబంధించిన ఈ న్యూస్ సోషల్ మీడియాలో వైరల్ గా మారింది.