Aishwarya Rai: అంబానీ తనయుడి నిశ్చితార్థ వేడుకల్లో మెరిసిన ఐశ్వర్యారాయ్, కూతురు… ఫోటోలు వైరల్ !

Aishwarya Rai: ప్రపంచ సంపన్నులలో ఒకరైన అంబానీ కుటుంబం గురించి ప్రత్యేకంగా చెప్పనవసరం లేదు. ఇటీవల రిలయన్స్ ఇండస్ట్రీస్ అధినేత ముఖేష్ అంబానీ చిన్న కుమారుడి నిశ్చితార్థ వేడుక ముంబైలో ఘనంగా జరిగింది. ముకేశ్ అంబానీ చిన్న కుమారుడు అనంత్ అంబానీ తన చిన్న నాటి స్నేహితురాలైన రాధిక మర్చంట్ ని వివాహం చేసుకోబోతున్నట్లు అధికారికంగా ప్రకటించారు. తాజాగా ముంబైలో అనంత్ అంబానీ రాధిక మర్చంట్ ల నిశ్చితార్థ వేడుకని అంబానీ కుటుంబం చాలా ఘనంగా నిర్వహించింది.

ఈ నిశ్చితార్థ వేడుకకి సంబంధించిన ఫోటోలు వీడియోలు ప్రస్తుతం సోషల్ మీడియాలో వైరల్ అవుతున్నాయి. ఇక ఈ నిశ్చితార్థ వేడుకకి ప్రముఖ వ్యాపారవేత్తలతో పాటు బాలీవుడ్ సెలబ్రిటీలు కూడా పాల్గొని సందడి చేశారు. ఈ నిశ్చితార్థ వేడుకలు దీపికా పదుకొనే, రణవీర్ సింగ్, సచిన్ అంజలి దంపతులతో పాటు మరికొంతమంది సినీ ప్రముఖులు హాజరయ్యారు. ఇక ఈ నిశ్చితార్థ వేడుకలలో ఐశ్వర్యరాయ్ తో పాటు ఆమె కుమార్తె ఆరాధ్య బచ్చన్ కూడా ప్రత్యేక ఆకర్షణగా నిలిచారు.

ఐశ్వర్యరాయ్ ఎక్కడికి వెళ్లినా తన కుమార్తెను వెంటబెట్టుకొని వెళుతుంది. కూతురంటే ఐశ్వర్యరాయ్ కి చాలా ఇష్టం. ఇక ఇటీవల జరిగిన నిశ్చితార్థ వేడుకలలో పాల్గొన్న అందరి దృష్టిని ఆకర్షించింది. ఎందుకంటే చాలా గ్యాప్ తర్వాత ఆరాధ్య మీడియా ముందుకి వచ్చింది. ఈ వేడుకలలో ఆరాధ్య క్రీమ్ కలర్ అనార్కలి డ్రెస్ లో కుందనపు బొమ్మ లాగా మెరిసిపోతుంది.

Aishwarya Rai: అందంలో తల్లికి పోటీపడిన ఆరాధ్య…

ఐశ్వర్యరాయ్ పక్కన నిలబడి ఫోటోలకు ఫోజులు ఇచ్చిన ఆరాధ్య తల్లికి సమానంగా హైట్ ఉండటమే కాకుండా ఎంతో అందంగా ఉంది. దీంతో ఆరాధ్యని చూసిన వారు ప్రపంచ సుందరి ఐశ్వర్యారాయ్ కూతురు కూడా అందంలో తల్లికి ఏ మాత్రం తీసిపోవటం లేదని కామెంట్లు చేస్తున్నారు. అమితాబచ్చన్ మనవరాలిగా ఐశ్వర్యరాయ్ కూతురిగా సినిమా ఇండస్ట్రీలో ఇంతటి బ్యాక్ గ్రౌండ్ ఉన్న ఆరాధ్య హీరోయిన్ గా ఎంట్రీ ఇవ్వాలని అభిమానులు కోరుకుంటున్నారు.