Allu Aravind: లక్ అంటే ఇదే మరి… పావలా పెట్టుబడికి రూ.10 లాభం తీసుకున్న అల్లు అరవింద్.. కలెక్షన్ల వర్షం కురిపిస్తున్న కాంతారా?

Allu Aravind: ప్రముఖ కన్నడ నటుడు రిషబ్ శెట్టి స్వీయ దర్శకత్వంలో నటించిన చిత్రం కాంతారా.కేజిఎఫ్ వంటి సినిమాని నిర్మించిన ప్రముఖ నిర్మాణ సంస్థ హోం భలే ఫిలిం నిర్మాణంలో తెరకెక్కిన చిత్రం కాంతారా.కన్నడ చిత్ర పరిశ్రమలో తెరకెక్కిన ఈ సినిమా వివిధ భాషలలో డబ్ అయ్యి భారీ స్థాయిలో ప్రేక్షకుల ఆదరణ పొందుతుంది. సెప్టెంబర్ 30న కన్నడలో విడుదలైన ఈ సినిమా తెలుగులో అక్టోబర్ 15వ తేదీ విడుదల అయింది.

ఇక ఈ సినిమా తెలుగు రైట్స్ ప్రముఖ నిర్మాత అల్లు అరవింద్ సొంతం చేసుకున్నారు.ఈ సినిమా తెలుగు రైట్స్ కేవలం అల్లు అరవింద్ రెండు కోట్ల రూపాయలకు కైవసం చేసుకున్నారని అయితే ఈ సినిమా విడుదలైన అనంతరం పెద్ద ఎత్తున ప్రేక్షకులు థియేటర్లకు క్యూ కడుతున్నారని తెలుస్తోంది.

గత మూడు రోజుల నుంచి తెలుగు చిత్ర పరిశ్రమలో ఎక్కడ చూసినా కాంతారా సినిమా పేరు మారు మోగిపోతుంది.తెలుగు ప్రేక్షకులకు ఏమాత్రం పరిచయం లేనటువంటి ఈ సినిమా ద్వారా ప్రేక్షకుల ముందుకు వచ్చి అద్భుతమైన విజయాన్ని ఆదరణ సొంతం చేసుకున్నారు.

Allu Aravind: భారీ లాభాలను అందుకున్న అల్లు అరవింద్..

మొత్తానికి అల్లు అరవింద్ కన్నడ సినిమా తెలుగు హక్కులను కొనుగోలు చేసి భారీ లాభాలను పొందుతున్నారని తెలుస్తోంది.రెండు కోట్ల రూపాయలకు ఈ సినిమా హక్కులను కొనుగోలు చేయగా మొదటి రోజే ఈ సినిమా భారీ కలెక్షన్లను రాబట్టిందని ఈ సినిమా ద్వారా అల్లు అరవింద్ ఏకంగా ఐదు రెట్ల లాభం పొందారని తెలుస్తోంది. అయితే ఈ సినిమా తెలుగులో విడుదల చేయడంతో గాడ్ ఫాదర్ సినిమాపై కొంతమేర ప్రభావం చూపిందని తెలుస్తోంది.