సౌందర్య అందుకే ఎక్స్ పోజింగ్ చేయలేదు – ఆమనీ..!!

చావు కబురు చల్లగా సినిమా లో ప్రామిసింగ్ పాత్ర చేస్తున్న ఆమనీ ఆ చిత్ర ప్రమోషన్స్ లో పాల్గొంటూ అందరిని అలరిస్తుంది.. తన కెరీర్ గురించి సినిమా విశేషాల గురించి ఎన్నో ఆసక్తికర విషయాలను పంచుకుంటుంది.. కార్తికేయ హీరోగా నటిస్తున్న సినిమా అయినా చావు కబురు చల్లగా రేపు విడుదల అవుతుండగా చిత్ర బృందం జోరుగా ప్రమోషన్స్ లో పాల్గొంటుంది. కాగా ఆమనీ ఓ ఇంటర్వ్యూ లో కొన్ని ఆసక్తికర విషయాలు వెల్లడించారు.

శుభలగ్నం, మావిచిగురు వంటి చిత్రాలతో మంచి గుర్తింపు తెచ్చుకున్న ఆమనీ అప్పటి తన సహా నటి , హీరోయిన్ సౌందర్య గురించి ఓ ఆసక్తికర విషయం వెల్లడించారు. తాము ఇద్దరమే షూటింగ్‌లో ఉన్నపుడు.. ఎక్స్‌పోజింగ్ గురించి అడిగానని చెప్పింది ఆమని. దానికి వెంటనే.. ఎందుకే ఎక్స్‌పోజ్ చేయాలి.. రేపు పెళ్లై మొగుడు పక్కనే ఉన్నపుడు తన సినిమాలు చూస్తుంటే ఎలా అనిపిస్తుంది.. మన ఫ్యామిలీకి ఎలా అనిపిస్తుంది అలా గ్లామర్ షో చేసినపుడు అంటూ సమాధానం చెప్పిందని గుర్తు చేసుకుంది ఆమని. అందుకే కెరీర్‌లో సౌందర్య ఎప్పుడూ ఎక్స్‌పోజింగ్ చేయలేదని చెప్పుకొచ్చింది ఆమని.

టాలీవుడ్ ని కొన్ని సంవత్సరాలపాటు ఏలిన హీరోయిన్ సౌందర్య హఠాత్మరణం ఇప్పటికి అందరిని కంట తడి పెట్టిస్తుంది. సావిత్రి తర్వాత టాలీవుడ్ ని ఏకచత్రాధిపత్యంగా ఏలింది సౌందర్య.. టాప్ హీరోలందరూ ఆమెతో నటించాలనుకునేవారే.. ఆమె డేట్స్ లేవంటే ఆమెకోసం వెయిట్ చేసి మరీ డేట్స్ ఖాళీ అయ్యాక ఆమెతో సినిమాలు చేసేవారు. అందం, అభినయం కలిగిన సౌందర్య అన్ని పాత్రల్లో తనదైన మార్క్ చూపించేది.. ఎలాంటి క్యారెక్టర్ లోఅయినా యిట్టె ఒదిగిపోయి దర్శక, నిర్మాతలకు కాసుల వర్షం కురిపించేది.