Pushpa Ott Rights: పుష్ప ఓటీటీ హక్కులకు భారీ డీల్.. ఈ సినిమాకు ఇచ్చిన ఆఫర్ తెలిస్తే మతిపోవాల్సిందే!

Pushpa Ott Rights: క్రియేటివ్ డైరెక్టర్ సుకుమార్ దర్శకత్వంలో అల్లు అర్జున్ హీరోగా పాన్ ఇండియా స్థాయిలో తెరకెక్కిన చిత్రం పుష్ప. ఎన్నో అనుమానాల మధ్య ఈ సినిమా విడుదల అయ్యి అద్భుతమైన విజయాన్ని అందుకుంది. పాన్ ఇండియా స్థాయిలో ఈ సినిమా సూపర్ హిట్ ని తన ఖాతాలో వేసుకుంది.

ముఖ్యంగా హిందీలో ఏమాత్రం మార్కెట్ లేని అల్లు అర్జున్ సినిమా అత్యధిక వసూళ్లను రాబట్టడంలో ప్రతి ఒక్కరు ఎంతో ఆశ్చర్యపోతున్నారు. మొత్తానికి ఈ సినిమా అన్ని భాషలలో పెద్ద మొత్తంలో కలెక్షన్లను రాబట్టి విజయాన్ని సొంతం చేసుకుంది. సాధారణంగా సినిమా థియేటర్ లో విడుదలైన తర్వాత ఆ సినిమాని
ఓటీటీలో విడుదల చేయడం సర్వసాధారణం.

ఈ క్రమంలోనే ఈ సినిమా ఓటీటీ హక్కుల కోసం భారీ డీల్ వచ్చినట్లు తెలుస్తుంది. ఈ సినిమా విడుదలై మూడు వారాలు అయినప్పటికీ థియేటర్లలో పుష్ప సందడి ఏ మాత్రం తగ్గడం లేదు. ఇలా థియేటర్ రన్ అవుతున్న సమయంలోనే ఈ సినిమాని ఏకంగా ఓటీటీ లో విడుదల చేయాలని భావిస్తున్నారు.

సంక్రాంతి పండుగను క్యాష్ చేసుకుంటున్న అమెజాన్…

పుష్ప సినిమా ఓటీటీ హక్కులను అమెజాన్ ఎంతో పోటీపడి మరీ ఈ సినిమా డిజిటల్ హక్కులను కొనుగోలు చేశారు. ఈ సినిమా కేవలం తెలుగు వెర్షన్ లో డిజిటల్ హక్కులను సొంతం చేసుకోవడం కోసం 22 కోట్లు చెల్లించింది.ఇక అన్ని భాషల్లో కలిపి ఈ సినిమా కోసం అమెజాన్ ఏకంగా 60 నుంచి 70 కోట్లు ఖర్చు చేసినట్లు తెలుస్తోంది. పెద్ద మొత్తంలో డబ్బులు చెల్లించే కైవసం చేసుకున్న అమెజాన్ ఈ సినిమాని జనవరి 7వ తేదీ నుంచి అమెజాన్ ప్రైమ్ వీడియోలో స్ట్రీమింగ్ చేయనున్నారు. అయితే సంక్రాంతి పండుగ రావడంతో అమెజాన్ సంక్రాంతి పండుగ ను క్యాష్ చేసుకుని ఈ సినిమాని స్ట్రీమింగ్ చేయనున్నట్లు తెలుస్తోంది.