Analists Damu Balaji & Dasari Vignan : జైల్లో హరిహర ఎలా ఉన్నాడంటే… నిహారిక అరెస్టు కాకుండా కాపాడుతున్నది ఎవరంటే…: అనలిస్ట్స్ దాము బాలాజీ & దాసరి విజ్ఞాన్

Analists Damu Balaji & Dasari Vignan : అబ్దుల్లాపూర్ మెట్ లో జరిగిన నవీన్ అనే యువకుడి హత్యలో ప్రధాన నిందితుడైన నవీన్ స్నేహితుడు హరిహర కృష్ణ తానే హత్య చేసినట్లు ఒప్పుకుని పోలీసుల ఎదుట లొంగిపోయాడు. దీంతో అతన్ని జైల్లో రిమాండ్ కి తరలించి పోలీసులు విచారిస్తుండగా అతని సమాధానాలు వారికి షాకిస్తున్నాయి. ఇక హరిహర ప్రవర్తిస్తున్న తీరు కూడా ఆశ్చర్యం కలిగిస్తోంది అక్కడి జైలర్లకు మిగిలిన అధికారులకు. ఇక ఈ విషయాలపై విశ్లేషకులు దాసరి విజ్ఞాన్ అలాగే దాము బాలాజీ వివరించారు.

జైల్లో హరిహర ఎలా ఉన్నాడంటే…

జైల్లో హరిహర ప్రవర్తన ఏ మాత్రం హత్య చేసాననే పాశ్చాత్తపం కూడా లేకుండా చాలా కూల్ గా ఉన్నడంటూ సమాచారం బయటికి వస్తోందంటూ దాము బాలాజీ అలాగే దాసరి విజ్ఞాన్ వివరించారు. ఇక జైల్లో గార్డ్ లతో మాట్లాడినపుడు కూడా హత్య తానే చేసినట్లు, ఎలా చేసింది కథగా చెబుతున్నాడని వినిపిస్తోంది. ఇక క్రైమ్ సినిమాలు, క్రైమ్ స్టోరీలు ఎక్కువగా చూసి వాటి ద్వారా ఎలా చేయాలో నేర్చుకున్నానని వివరిస్తున్నాడని తెలుస్తోంది. పోలీసులు సీన్ రీ కంన్స్ట్రక్షన్ లో కూడా ఎలా చేశాడో చూపించు అని అడిగినపుడు ఏమాత్రం తడబడకుండా చేసి చూపించాడట హరిహర.

ఎలా చేసావ్ అంత ఖచ్చితంగా అని అడిగితే నేను నవీన్ ను హత్య చేసే ముందు ప్రాక్టీస్ చేశాను అందుకే బాగా గుర్తుంది అంటూ చెప్పాడట. అంతే కాకుండా మీరు ఎన్ని సార్లు అడిగినా ఒకటే సమాధానము నేనే చేశాను, ఇందులో ఇంకెవరికీ సంబంధం లేదు అంటూ చెబుతున్నాడట. పోలీసులు తోటి ఖైదీలతో కూడా మెల్లగా రాబట్టాలని ప్రయత్నిస్తున్నా హరిహర నుండి అదే సమాధానం వస్తోందట. ఇక ఇటు నిహారిక దగ్గరి నుండి కూడా అదే సమాధానము వస్తోందట. అయితే ఆమె ఫోన్ డేటా రీట్రైవ్ చేస్తే చాలా అనుమానలు నివృతి అవుతాయంటూ చెబుతున్నారు. ఇక హాసన్ గురించి కూడా విచారిస్తున్న పోలీసులకు అవే సమాధానలు వస్తున్నాయట. అయితే నిహారిక ఫోన్ డేటా బయటికి వస్తే ఆమె అరెస్టు అవుతుంది అంటూ అభిప్రాయపడుతున్నారు.