Analyst Damu Balaji : జగన్ కు చెల్లి షర్మిల షాక్… పార్టీని జులై 8న కాంగ్రెస్ లో విలీనం దిశగా అడుగులు…: అనలిస్ట్ దాము బాలాజీ

Analyst Damu Balaji : తెలుగు రాష్ట్రాల్లో రాజకీయాల్లో ఎపుడు ఏం జరుగుతుంది ఏ పార్టీ ఏ పార్టీ వైపు చూస్తోందో చెప్పడం కష్టంగా మారింది. రెండు రాష్ట్రాల్లోనూ రాజకీయ సమీకరణాలు మారిపోతున్నాయి. తాజాగా తెలంగాణ రాజకీయాల్లో వినిపిస్తూన్న మాట వైఎస్ రాజశేఖర్ రెడ్డి కూతురు షర్మిల తన పార్టీని కాంగ్రెస్ లోకి విలీనం చేస్తుంది అని. నిజానికి షర్మిల పార్టీకి ఇంకా క్షేత్ర స్థాయిలో బలం లేదు, రాజన్న బిడ్డగా ఆమెను చూస్తున్నారు. అయితే ఆమె పార్టీని కాంగ్రెస్ లో విలీనం చేస్తే మాత్రం ఆ ప్రభావం ఏపీ రాజకీయాల్లో ఉంటుంది అంటూ అనలిస్ట్ దాము బాలాజీ అభిప్రాయంపడ్డారు.

షర్మిల అడుగు హస్తం వైపుకు…

రాజశేఖర్ రెడ్డి కాంగ్రెస్ నుండే సీఎం అయ్యారు. కానీ ఆయన ఓటు బ్యాంకును ఏపీ లో కానీ తెలంగాణ లో కానీ కాంగ్రెస్ పార్టీ వినియోగించుకోలేక పోయింది. రాజన్న తమ వాడు అని చెప్పుకోలేక పోయింది. ఆయన కొడుకు జగన్ పార్టీ పెట్టడంతో ఏపీ లో కాంగ్రెస్ సీనియర్ లీడర్స్ అందరూ జగన్ వైపు చూడగా తెలంగాణ లోని కాంగ్రెస్ నాయకులు అటు రాజశేఖర్ రెడ్డి ని తమ వాడు అని వాడుకోలేక నాయకత్వ లేమితో ఇబ్బందిపడ్డారు. అయితే తాజాగా షర్మిల తెలంగాణ లో ప్రజల కోసం రాజన్న ఆశయాలను నెరవేర్చాలని పార్టీ పెట్టింది. పాదయాత్ర అంటూ మరోసారి జనంలోకి వెళ్ళింది. అయితే తాజాగా వినిపిస్తున్న మాట షర్మిల తన పార్టీని కాంగ్రెస్ లోకి తన తండ్రి పుట్టినరోజు జులై 8న విలీనం చేయబోతోంది అని అంటూ బాలాజీ తెలిపారు. ఇప్పటికే కర్ణాటక రాష్ట్ర డిప్యూటీ సీఎం డికే శివకుమార్ గారితో షర్మిల చర్చించందని ఆయన తన తండ్రికి మంచి స్నేహితుడు అంటూ ప్రచారరం జరుగుతోంది.

ఇక తాజాగా రాహుల్ గాంధీ పుట్టినరోజు నాడు షర్మిల సోషల్ మీడియా వేదికగా శుభాకాంక్షలు చెప్పడం కూడా ఈ అనుమానలకు బలం చేకూరుస్తోంది. అయితే షర్మిల పార్టీ విలీనంకు తెలంగాణ రాష్ట్ర కాంగ్రెస్ ఒప్పుకోవడానికి సిద్ధంగా లేదు. రేవంత్ రెడ్డి దీనికి సుముఖంగా లేరు. ఇక ఈ ఇష్యూ ఖచ్చితంగా ఏపీ లో ప్రభావం చూపొచ్చు. జగన్ మీద ఈ అంశం ప్రతికూల ప్రభావం చుపొచ్చని బాలాజీ అభిప్రాయపడ్డారు. ఒకవేళ ఆమెను ఏపీ కాంగ్రెస్ లోకి తీసుకుంటే కాంగ్రెస్ ఓటు బ్యాంకు మీద ప్రభావం చూపి జగన్ కి నష్టమే అంటూ చెప్పారు.