Analyst Damu Balaji : జైలులో బండి సంజయ్ కి చుక్కలు… కావాలనే రాజకీయ కక్ష్య…: అనలిస్ట్ దాము బాలాజి

Analyst Damu Balaji : తెలంగాణ రాజకీయాల్లో ప్రస్తుతం బిఆర్ఎస్ పార్టీ అలానే బీజేపీ రెండు నువ్వా నేనా అన్నట్లుగా వ్యవహరిస్తున్నాయి. పొలిటికల్ హీట్ ను పెంచుతూ తాజాగా బండి సంజయ్ అరెస్టు రాష్ట్రవ్యాప్తంగా కాక పుట్టించింది. నిజానికి రేపో మాపో కెసిఆర్ కూతురు ఎమ్మెల్సి కవితక్క అరెస్టు అంటూ బాగా చర్చలు జరిగినా చివరికి బీజేపీ రాష్ట్ర నాయకుడు బండి సంజయ్ ను ఉన్నపళంగా అరెస్టు చేయడంతో ఇప్పుడు ఈ ఇష్యూ హాట్ టాపిక్ గా మారింది. ఆయన బెయిల్ మీద బయటికి వచ్చినా జైలులో బండి సంజయ్ కి చుక్కలు చూపించారు అనే వార్తలు వినిపిస్తున్నాయి. ఈ ఇష్యూ గురించి సీనియర్ అనలిస్ట్ దాము బాలాజీ మాట్లాడారు.

సాధారణ ఖైదీగా చూసిన జైలు సిబ్బంది…

బండి సంజయ్ కి అరెస్టులు, జైలుకి పోవడాలు కొత్త కాదు. అయితే ఈసారి ఆయన అరెస్టు అయింది మాత్రం అందరికీ ఆశ్చర్యం కలిగించింది. పేపర్ లికేజీ వ్యవహారంలో అనవసరంగా అపోహలు సృష్టిస్తూ అలజడి సృష్టిస్తున్నాడు అనే నేపధ్యంలో ఆయనను అరెస్టు చేసినట్లు చెప్తుండడం ఏ1 గా కేసులో పెట్టడం ఆశ్చర్యంగానూ మరోవైపు కెసిఆర్ రాజకీయ కక్ష్య తీర్చుకుంటున్నట్లు అనిపిస్తుంది అంటూ తెలిపారు దాము బాలాజీ. ఇక జైలులో కప్పుకోడానికి దుప్పటి కూడా ఇవ్వకుండా దుప్పటి దిండు ఇచ్చే అధికారి వచ్చాక తీసుకోండి అని చెప్పి మళ్ళీ కొద్ది సేపటికి ఆ అధికారి సెలవులో ఉన్నాడు అంటూ చెప్పడం ఇలాంటివి చేసారని చెప్పారు.

కావాలనే వేధించారని బయటికి తెలుస్తోంది అంటూ చెప్పారు. కవిత గురించి బండి సంజయ్ చేసిన వాఖ్యలే కారణమని, ఆయన ఒక రాజకీయ ఖైదీ అని కానీ లేక ఒక పార్టీ అధ్యక్షుడు అని కానీ లేకుండా వ్యవహరించారని, కుటుంబ సభ్యులు కలవడానికి కూడా మూలాఖత్ కు అనుమతి ఇవ్వలేదని వివరించారు. నిజానికి మూలాఖత్ అయ్యే అవకాశం ఉన్నా కూడా బండి సంజయ్ విషయంలో కావాలనే చేసినట్లు తెలిపారు బాలాజీ.