Anasuya Bhardwaj : అనసూయ జబర్దస్త్ నుండి వెళ్ళిపోడానికి ఆ డైరెక్టరే కారణమా..? మెల్లగా బుల్లితెర పై కనిపించదా..?

Anasuya Bhardwaj : బుల్లి తెర కు గ్లామర్ టచ్ ఇచ్చిన అతి కొద్ది మంది యాంకర్లలో అనసూయ మొదట గుర్తొస్తుంది. సాక్షి టీవీ లో న్యూస్ రీడర్ గా మొదలైన అనసూయ ప్రస్థానం జబర్దస్త్ తో కొత్త మలుపు తీసుకుంది. ఇక జబర్దస్త్ తో అనసూయ కెరీర్ పీక్స్ కి వెళ్ళింది. ఇక టీవీల్లో యాంకర్ గా వివిధ షోలు చేస్తూనే సినిమాల్లోనూ నటించి క్షణం, రంగస్థలం వంటి సినిమాల్లో పాత్రలతో మంచి గుర్తింపు తెచ్చుకుంది.

ఆ దర్శకుడి సలహాతోనే జబర్దస్త్ కు గుడ్ బై…

జబర్దస్త్ షో వల్ల బాగా పాపులర్ అయిన వాళ్ళు ఇప్పుడు జబర్దస్త్ వీడిపోతున్నారు. కారణాలు ఏమైనా జబర్దస్త్ నుండి మాత్రం అందరూ వెళ్లిపోతున్నారు. ఇక ఈ లిస్ట్ లో ఇప్పుడు జబర్దస్త్ నుండి అనసూయ కూడా వెళ్ళిపోయింది. మా టీవిలో షో లో యాంకర్ గా చేస్తున్న అనసూయ ఆ షో కోసం జబర్దస్త్ వదిలేసింది అనసూయ అంటూ టాక్ వినిపించింది. అయితే అసలు కారణం వేరే ఉందని ఇపుడు వినిపిస్తోంది. అనసూయ ప్రస్తుతం సినిమాలు, వెబ్ సిరీస్ లతో బాగా బిజీగా ఉంది. తాజాగా అనసూయ క్రిష్ డైరెక్షన్లో ఒక వెబ్ సిరీస్ లో నటిస్తోంది. ఈ వెబ్ సిరీస్ కి డేట్స్ సర్దుబాటు చేయడం కోసం జబర్దస్త్ వదిలేసిందట.

ఇక ఈ వెబ్ సిరీస్ లో అనసూయ ఒక వేశ్య పాత్రలో నటించనుందట. గురజాడ కన్యాశుల్కం నాటిక ఆధారంగా తీస్తున్న ఈ వెబ్ సిరీస్ లో మధురవాణి లాంటి పాత్రలో కనిపించనుంది. ఇక కృష్ణ వంశీ డైరెక్షన్ లో రంగమార్తాండా సినిమాలో నటిస్తోంది. ఇక పుష్ప పార్ట్ 2 లో అనసూయ పాత్ర నిడివి ఎక్కువగా ఉండనుందని సమాచారం. ఇలా ఈ హాట్ అంటీ సినిమాలవల్ల బిజీ అయి బుల్లితెర తగ్గించాలని అనుకుంటోందని ఓ వైపు వినిపిస్తోంది.