Anchor Akul Balaji : మహేష్ బాబు గారు నాకు బంధువు అవుతారు… యాంకర్ అవ్వక ముందు బియ్యం బస్తాలు మోసేవాడిని : యాంకర్ అకుల్ బాలాజీ

Anchor Akul Balaji : అకుల్ బాలాజీ… ‘పెళ్లి నాటి ప్రమాణలు’ సీరియల్ ద్వారా తెలుగు అభిమానులకు దగ్గర అయ్యాడు. 2012 లో వచ్చిన ఈ సీరియల్ ద్వారా తెలుగులో గుర్తింపు తెచ్చుకున్నాడు. ప్రస్తుతం తెలుగు ‘ఊహలు గుస గుసలాడే’ సీరియల్ చేస్తున్నాడు అకుల్. అంతే కాకుండా డాన్స్ ఇండియా డాన్స్ రియాలిటీ షో కి హోస్ట్ గా వ్యవహారిస్తున్నాడు. అకుల్ బాలాజీ పుట్టినది కడప జిల్లా కు చెందిన రైల్వే కోడూరు అయినప్పటికీ చిన్న తనంలోనే బెంగుళూరులో స్థిరపడటంతో మొదట అక్కడే తన కెరీర్ ను ప్రారంభించాడు.

నా మొదటి సంపాదన బియ్యం బస్తాలు మోయడం ద్వారా వచ్చింది…

కన్నడలో మొదట టీవీ సీరియల్స్ లో నటించడంతో కెరీర్ మొదలుపెట్టాడు అకుల్. తరువాత యాంకర్ గా, రియాలిటీ షోలకు హోస్ట్ గా చేసి గుర్తింపు తెచ్చుకున్నాడు. కన్నడ బిగ్ బాస్ సీజన్ 2 విన్నర్ గా నిలిచాడు. కొన్ని సినిమాలలో హీరోగా కూడా నటించాడు. సూపర్ స్టార్ కృష్ణ రెండవ భార్య విజయం నిర్మల గారి మేనకోడలిని పెళ్లి చేసుకోవడంతో మహేష్ బాబుకి బంధువు అవుతానని ఆయన ఒక ఇంటర్వ్యూలో చెప్పుకొచ్చారు. అంతే కాదు విజయ నిర్మల గారి దర్శకత్వంలో వచ్చిన అఖరు సినిమా ‘నేరము శిక్ష’ లో కృష్ణ గారితో కలసి నటించారు కూడా.

అయితే కన్నడలో మొదట అవకాశాలు రాకముందు బెంగుళూరులో తన తండ్రి బియ్యం వ్యాపారంలో సహాయం చేసేవాడిని అని చెప్పుకొచ్చారు. ఆ సమయంలో ఇంట్లో కొద్దిగా ఆర్థిక పరిస్థితి కూడా అంత బాగోలేదని అందుకే బియ్యం బస్తా డోర్ డెలివరీ నేనే చేసేవాడిని అని, అప్పుడు వాటిని నేనే మోసుకెల్లే వాడినని చెప్పారు. ఒక బస్తా మోసుకెళ్తే 20 రూపాయలు ఇవ్వాలి అది ఆదా చేసే వాడిని అని చెప్పుకొచ్చారు, అలా అదీ నా మొదటి సంపాదన అని చెప్పారు అకుల్.