Anchor Suma: అంతా ఉత్తుత్తేనే… యాంకరింగ్ విషయంలో సుమ క్లారిటీ… ఏకిపారేస్తున్న నెటిజన్స్!

Anchor Suma: ఈ మధ్యకాలంలో ఒక కార్యక్రమం హైలెట్ చేయడం కోసం ప్రోమోలు ఎంతో విభిన్నమైన రీతిలో కట్ చేసి విడుదల చేస్తున్నారు. ఇలా ప్రోమోలు కట్ చేయడం వల్ల నిజంగానే ఏదో జరిగిపోతుందని అభిమానులు తెగ కంగారు పడుతుంటారు. అయితే చివరికి అదంతా అబద్ధమని తెలియడంతో నేటిజన్స్ తీవ్ర స్థాయిలో మండిపడుతూ ఉండడం మనం చూస్తున్నాము.

ఇలా ఎపిసోడ్ హైలైట్ కోసం ప్రోమోలలో జిమ్మిక్కులు చేయడం అవి అబద్ధమని తెలియడంతో సదరు యాంకర్లు తీవ్రస్థాయిలో ట్రోలింగ్ కి గురవుతున్నారు. ప్రస్తుతం యాంకర్ సుమ పరిస్థితి కూడా ఇలాగే ఉంది. ఈమె కూడా న్యూ ఇయర్ సందర్భంగా వేర్ ఇస్ ద పార్టీ అనే కార్యక్రమంలో తాను మలయాళీ అమ్మాయి అయినప్పటికీ తెలుగు ప్రేక్షకులు తనని ఎంతో ఆదరించారని తాను ఈ స్థానంలో ఉన్నానంటే అందుకు కారణం తెలుగు ఆడియన్స్ అని చెప్పారు.

ఇలా తనని ఎంతో ఆదరించినందుకు కృతజ్ఞతలు తెలిపిన ఈమె కొంత కాలం పాటు తన యాంకరింగ్ కు విరామం ఇవ్వాలనుకుంటున్నాను అంటూ చెప్పారు.దీంతో ఇది కాస్త వైరల్ కావడంతో ఎంతోమంది నిజంగానే సుమ యాంకరింగ్ కు గుడ్ బై చెప్పబోతున్నట్టు పెద్ద ఎత్తున కథనాలు వెలబడ్డాయి దీంతో సుమ మరోసారి ఈ వీడియో పై స్పందించి అసలు విషయం చెప్పారు.

Anchor Suma: చెత్త ప్రోమోలతో నీ క్రేజ్ తగ్గించుకోకు…

సోషల్ మీడియా వేదికగా ఈ ప్రోమో పై స్పందించిన సుమ ప్రోమో అంతా ఉత్తుత్తే అని చెప్పేసి.. వీడియో డిలేట్ చేసింది. అయితే.. అప్పటికే కొందరు ఈ వీడియోకి సంబంధించిన స్క్రీన్ షాట్స్ షేర్ చేసుకొని సోషల్ మీడియాలో షేర్ చేస్తూ యాంకరింగ్ మానేస్తున్నానని చెప్పడం ఎందుకు అంత ఉత్తుత్తే అని చెప్పడం ఏంటి అంటూ పెద్ద ఎత్తున సుమను ట్రోల్ చేస్తున్నారు.జనాలలో సుమ కార్యక్రమాలు అంటే ఒక క్రేజ్ ఉంది ఇలాంటి చెత్త ప్రోమోలతో ఆ క్రేజ్ కాస్త పోగొట్టుకోకు అంటూ మండిపడుతున్నారు.