ఏపీ హైకోర్టులో జాబ్ లు.. దరఖాస్తుకు రెండు రోజులే గడువు..

ఆంధ్రప్రదేశ్ హైకోర్టులో ఉద్యోగాల భర్తీకి నోటిఫికేషన్ విడుదల అయింది. ఈ నోటిఫికేషన్ ద్వారా 174 పోస్టులను భర్తీ చేయనున్నారు. అర్హత, ఆసక్తిగల అభ్యర్థులు ఆన్‌లైన్‌లో దరఖాస్తు చేసుకోవాలని సూచించారు. దానికి సంబంధించి ఆన్ లైన్ దరఖాస్తు ప్రక్రియ 2021 సెప్టెంబర్ 9 నుంచి మొదలు కాగా.. చివరి తేదీగా సెప్టెంబర్ 30, 2021 గా నిర్ణయించారు.

అంటే దరఖాస్తుకు కేవలం రెండు రోజులు మాత్రమే ఉంది. అభ్యర్థులు పూర్తి వివరాలకు https://hc.ap.nic.in/ వెబ్‌సైట్ చూసి.. నోటిఫికేషన్ లో పేర్కొన్న విధంగా దరఖాస్తులను నిపాలని సూచించారు. అందులో ముఖ్యంగా 71 అసిస్టెంట్ పోస్టులు ఉండగా.. 29 పోస్టులు ఎగ్జామినర్, 35 పోస్టులు టైపిస్టు, 39 పోస్టులు కాపీయిస్ట్ ఉన్నట్లు తెలిపారు.

దీనికి అర్హతగా ఏదైనా యూనివర్సిటీలో డిగ్రీ పూర్తి చేయాలని పేర్కొన్నారు. కాపీయిస్ట్, టైపిస్ట్ పోస్టులకు డిగ్రీతో పాటు టైప్‌రైటింగ్ (ఇంగ్లీష్) హయ్యర్ గ్రేడ్‌లో ప్రభుత్వ టెక్నికల్ ఎగ్జామ్ పాస్ కావాలి. నిమిషానికి 45 పదాలు టైప్ చేయగలగాలి. 18 నుంచి 42 ఏళ్ల మద్య వయస్సుగల అభ్యర్థలు దరఖాస్తు చేసుకోవచ్చాన్నారు. కంప్యూటర్‌ బేస్డ్‌ ఆబ్జెక్టివ్‌ తరహా పరీక్ష ఆధారంగా ఎంపికచేయనున్నారు. దీనికి వేతనంగా

జనరల్‌ నాలెడ్జ్, ఇంగ్లిష్‌ లాంగ్వేజ్, రీజనింగ్‌ విభాగాల నుంచి ప్రశ్నలు ఉంటాయని.. ఆసక్తి గల అభ్యర్థలు దరఖాస్తు చేసుకోవాలని నోటిఫికేషన్ లో పేర్కొన్నారు. దీనికి సంబంధించి మరిన్ని వివరాలకు https://hc.ap.nic.in/ ను సందర్శించి అందులో నోటిఫికేషన్ డౌన్ లోడ్ చేసుకొని దరఖాస్తులను కేవలం ఆన్ లైన్ మోడ్ లో మాత్రమే పంపాలని పేర్కొన్నారు.