ఒసేయ్ ఉమా.. చిల్లరదానా అంటూ రెచ్చిపోయిన అనీ మాస్టర్

బిగ్ బాస్ రియాల్టీ షో వేరే లెవల్లోకి వెళ్లి పోతోంది. ఒకరిపై ఒకరు అరుచుకుంటూ.. తిట్ల పురాణాన్ని లంకించుకున్నారు. రెండోవారం నామినేషన్ ప్రక్రియలో నటి ఉమ మాట్లాడిన మాటలకు ఇంట్లో వాళ్లు ఎంతో ఇబ్బందికరంగా ఫీల్ అయ్యారు. కానీ రాను రాను ఆ హౌస్ లో ప్రతీ ఒక్కరి నోటి నుంచి బూతులే వినిపిస్తున్నాయి.

తాజాగా స్టార్ మా విడుదల చేసిన ప్రోమోలో అది స్పష్టంగా అర్థం అవుతోంది. కెప్టెన్సీ టాస్క్ కోసం పిజికల్ టాస్క్ ఇచ్చిన బిగ్ బాస్.. అప్పటి నుంచి హౌస్ లో యుద్ధ వాతావరణమే కనిపిస్తోంది. ఎవరిపై ఎవరు.. ఏ మాట వదులుతారోనని ఇంటి ముందు టీవీల ముందు కూర్చున్న ఫ్యామిలీలు భయపడి పోతున్నారు. దీనిలోకి అనీ మాస్టర్ కూడా చేరిపోయింది. టాస్క్ లో భాగంగా ఉమాను ‘ఒసేయ్’ అంటూ సంభోదించింది.

‘ఒసేయ్ ఉమా చింపుతావా’ అంటూ అనీ అనగా.. మీరు మమ్మల్ని కొడితే.. చింపుతా అంటూ ఘాటుగా సమాధానం ఇస్తుంది ఉమ. తర్వాత ఆమె ఉమాను ‘సిగ్గులేదా నీకు తూ’ అంటూ అసభ్యకరమైన పదజాలంతో దూషించారు. ఉమ కూడా ఆమెను తిట్టుకుంటూ.. తూ అంటూ చెప్పింది. నీదంతా చిల్లర వేషాలు అంటూ అనీ అంటే.. అవును నేను చిల్లరే.. నువ్వు పెద్ద క్లాస్ మరి అంటూ ఉమ సమాధానం ఇస్తుంది.

తర్వాత నా మీదకు వస్తే.. కాలుతో తంతా అంటూ శ్వేతకు అవతలి టీం సభ్యుల్లో ఒకరు హెచ్చరించగా.. దానికి శ్వేత ఘాటుగానే సమాధానం చెప్పారు. కాలుతో తన్నించుకోవడానికి బిగ్ బాస్ షోకి రాలేదు అంటూ కెమెరాకు చెబుతుంది శ్వేత. దీనికి ఎలా శుభం కార్డు పడుతుంది..? అంటూ ఇన్ స్టా లో ఈ వీడియోను స్టార్ మా పోస్ట్ చేసింది.