Anushka Shetty: మొదటిసారిగా క్యాస్టింగ్ కౌచ్ పై నోరు విప్పిన అనుష్క… అవకాశాలు రావాలంటే ఆ పని చేయాల్సిందే!

Anushka Shetty:అందం అభినయంతో ఎంతోమంది ప్రేక్షకులను సంపాదించుకున్న నటి అనుష్క శెట్టి గురించి ప్రత్యేకంగా చెప్పాల్సిన పనిలేదు. బాహుబలి సినిమా తర్వాత ఇండస్ట్రీకి దూరమైన అనుష్క శెట్టి తాజాగా ఒక జాతీయ మీడియాతో ఇంటర్వ్యూలో పాల్గొన్నారు. ఈ క్రమంలోనే ఈ ఇంటర్వ్యూలో భాగంగా స్వీటీ క్యాస్టింగ్ కౌచ్ పై నోరు విప్పారు.

ఈ సందర్భంగా ఆమె మాట్లాడుతూ ఇండస్ట్రీలో క్యాస్టింగ్ కౌచ్ ఉంది. అవకాశాలు ఇస్తామని చెప్పి హీరోయిన్లను లోబర్చుకునే సంస్కృతి తెలుగులో కూడా ఉంది అలాంటివి నేను చూశాను.అయితే ఈ సంస్కృతి కేవలం తెలుగు పరిశ్రమలోనే కాకుండా ప్రతి ఒక్క రంగంలోనూ ఉందని ఈ సందర్భంగా అనుష్క తెలియజేశారు.

ఇక ఈ కాస్టింగ్ కౌచ్ పై తన గురించి మాట్లాడుతూ నేను ఇండస్ట్రీలోకి వచ్చిన మొదటి నుంచి ఇప్పటివరకు ఈ విధమైనటువంటి ఇబ్బందులను ఎక్కడ ఎదుర్కోలేదని తెలియజేశారు. తాను మొదటి నుంచి ఎంతో నిక్కచ్చిగా మాట్లాడే మనస్తత్వం నాది అందుకే ఎప్పుడు నాకు ఇలాంటి పరిస్థితులు ఎదురు కాలేదని అనుష్క ఈ సందర్భంగా తెలియజేశారు.

నా దురుసు ప్రవర్తనే కారణం….

టాలీవుడ్ ఇండస్ట్రీలో కొందరు మహిళలు ఇప్పటికీ ఈ విధమైనటువంటి ఇబ్బందులను ఎదుర్కొంటున్నారని ఈమె చిత్ర పరిశ్రమలో ఉన్న క్యాస్టింగ్ కౌచ్ పై నోరు విప్పారు.ఈ విషయాన్ని నేను కూడా అంగీకరిస్తానని అయితే నా దురుసు ప్రవర్తన కారణంగా నాకు ఇబ్బందులు ఎదురుకాలేదని పేర్కొన్నారు. అయితే ప్రస్తుతం అనుష్క శెట్టి జాతి రత్నాలు హీరో నవీన్ పోలిశెట్టితో ఓ సినిమా ద్వారా ప్రేక్షకుల ముందుకు రాబోతున్నారని తెలుస్తోంది. అయితే ఇప్పటి వరకు ఈ సినిమా గురించి ఏ విధమైన ఎటువంటి అధికారిక ప్రకటన చేయలేదు.