Arjun Kapoor : ప్రస్తుతం బాలీవుడ్ లో ఉన్న సమస్య ప్రేక్షకులకు వాళ్ళు తీస్తున్న సినిమాలు నచ్చడం లేదు. చిన్న సినిమా పెద్ద సినిమా అని తేడా లేకుండా ప్లాప్ అవుతున్నాయి. పెద్ద స్టార్ హీరో ఉన్నా సినిమాకు మాత్రం జనాలు రావడం లేదు. బాలీవుడ్ లో రోజూ ఎన్నో సినిమాలు వస్తుంటాయి అందులో ఒక్కటి కూడా ప్రేక్షకులకు నచ్చకపోవడం ఏంటి అనే సందేహం మొదలయింది. అయితే దీనికి ప్రధాన కారణాలు బాలీవుడ్ హీరోల మీద అక్కడి ప్రేక్షకులకు విసుగు రావడమే. వెస్ట్రన్ సంస్కృతికి మేమే వారసులం అన్నట్లుగా పాశ్చాత్య సంస్కృతిని నరనరానా బాలీవుడ్ సెలబ్రిటీలు ఎక్కించుకోవడం, హిందూ వ్యతిరేక కామెంట్స్ కి మద్దతు ఇవ్వడం వంటివి అక్కడి జనాలకు రుచించడం లేదు.
బాయ్ కాట్ బాలీవుడ్… సుశాంత్ మరణం నుండే మొదలు…
బాలీవుడ్ ప్రేక్షకులకు మరింత కోపం తెప్పించిన సంఘటన సుశాంత్ సింగ్ రాజ్ పుత్ మరణం. నెపోటిజం కి బలైపోయిన సుశాంత్ కోసం అప్పట్లో బాయ్ కాట్ బాలీవుడ్ హ్యాష్ ట్యాగ్ ట్రెండ్ మొదలయింది. సుశాంత్ మరణించినపుడు ఒక్క టాప్ హీరో కూడా బాలీవుడ్ లో స్పందించలేదు. ఇది జనాలకు ఇంకా కోపాన్ని కలిగించింది. అప్పటి నుండి ట్రెండ్ అవుతున్న ఈ బాయ్ కాట్ బాలీవుడ్ ఇప్పటికి కొనసాగుతోంది. ఏ సినిమా విడుదలైన బాయ్ కాట్ బాలీవుడ్ మళ్ళీ ట్రెండింగ్ లోకి వస్తోంది. మొన్న అమీర్ ఖాన్ లా సింగ్ చద్ధ, అక్షయ్ కుమార్ రక్షా బంధన్ కి కూడా ఈ సెగ తగిలింది. ఈ ఇష్యూ మీద ఇపుడు నిర్మాత బోని కపూర్ కొడుకు అర్జున్ కపూర్ స్పందించాడు. కొంత మంది కావాలనే ఇలా బాయ్ కాట్ ట్రెండ్ ని చేస్తున్నారంటూ మండిపడ్డాడు.
మొదట్లోనే దీని గురించి అలోచించి చర్యలు తీసుకుని ఉంటే ఇంత నష్టం జరిగివుండేది కాదంటూ మాట్లాడాడు. మేమే తప్పు చేసాం పట్టించుకోక పోవడంతో దానిని అవకాశంగా తీసుకుని ఇలా పని గట్టుకుని చేస్తున్నారంటూ విరుచుకుపడ్డాడు. మౌనంగా ఉంటే దాన్ని చేతగానితనం లాగా చూస్తున్నారు అంటూ ఫైర్ అయిపోయాడు. బాలీవుడ్ నటులపై ఇష్టం వచ్చినట్లు వార్తలు రాస్తూ, హ్యాష్ ట్యాగ్ లు ట్రెండ్ చేస్తూ బాలీవుడ్ నటులపై బురద జల్లుతున్నారని ఇటువంటి వారిపై కఠిన చర్యలు తీసుకోవాలని సూచించాడు. ఇక ఈ మాటలపై నెటిజన్స్ కూడా స్పందించారు. ఎవరీ అర్జున్ కపూర్ అంటూ వెటకారంగా మాట్లాడుతున్నారు. ఎవరీ అర్జున్ కపూర్ అనే హ్యాష్ ట్యాగ్ ను ట్రెండ్ చేస్తున్నారు. మీ కోసం పని మానుకుని, పని గట్టుకుని మీ టాలెంట్ ను ఆపేంత పిచోళ్లమా అంటూ కామెంట్స్ చేస్తున్నారు.
హైదరాబాద్ ఫిబ్రవరి 19: దైవబలం ఎలా ఉంటుందో మన కన్నుల ముందు ప్రముఖ రచయిత పురాణపండ శ్రీనివాస్ జీవనంలోని పరీక్షలూ,…
2026లో తొలి చంద్రగ్రహణం త్వరలోనే సంభవించనుంది. ఈసారి హోలీ పండుగ రోజునే గ్రహణం పడనున్నట్లు ఖగోళ శాస్త్రవేత్తలు చెబుతున్నారు. జ్యోతిష్య…
“మేడి పండు చూడు మేలిమైనుండు… పొట్ట విప్పి చూడు పురుగులండు” అనే పద్యం మనందరికీ చిన్నప్పటి నుంచే పరిచయం. బయటకు…
తెలంగాణ రాజకీయాల్లో కొత్త సమీకరణాలకు రంగం సిద్ధమవుతోంది. కల్వకుంట్ల కవిత తాజాగా చేసిన ప్రకటనలు రాష్ట్ర రాజకీయ వర్గాల్లో చర్చనీయాంశంగా…
తెలంగాణలో విమానయాన రంగం క్రమంగా విస్తరిస్తోంది. ఇప్పటికే రాష్ట్రానికి ప్రధాన గేట్వేగా నిలిచిన Rajiv Gandhi International Airport ద్వారా…
నెలసరి సమయంలో చాలా మంది మహిళలు కడుపు నొప్పి, నడుం నొప్పి, అలసట వంటి సమస్యలను ఎదుర్కొంటుంటారు. కొందరికి ఈ…