Avinash: గర్భంలోనే మరణించిన అవినాష్ బిడ్డ… ఎమోషనల్ అయిన కమెడియన్!

Avinash: ముక్కు అవినాష్ పరిచయం అవసరం లేని పేరు ఈయన కమెడియన్ గా జబర్దస్త్ కార్యక్రమంలో ఎంతో మంచి గుర్తింపు సంపాదించుకున్నారు. జబర్దస్త్ కార్యక్రమంలో కొనసాగుతూనే అనంతరం బిగ్ బాస్ అవకాశాన్ని అందుకున్నారు. ఇలా బిగ్ బాస్ కార్యక్రమం ద్వారా ఎంతో పేరు ప్రఖ్యాతలను పొందినటువంటి ఈయన ప్రస్తుతం స్టార్ మా లో ప్రసారమవుతున్నటువంటి బుల్లితెర కార్యక్రమాలలో సందడి చేస్తున్నారు.

ఇలా బుల్లితెర కార్యక్రమాలలో పెద్ద ఎత్తున సందడి చేస్తున్నటువంటి అవినాష్ 2021 వ సంవత్సరంలో అనూజ అనే అమ్మాయిని ఎంతో ఘనంగా వివాహం చేసుకున్నారు. ఇక వీరి పెళ్లి జరిగిన తర్వాత వీరిద్దరూ కలిసి పలు షోలలో కూడా సందడి చేశారు. ఇక యూట్యూబ్ ఛానల్ ద్వారా కూడా ఎన్నో విషయాలను అభిమానులతో పంచుకునేవారు.

ఇకపోతే ఈమె ప్రెగ్నెంట్ అనే విషయాన్ని కూడా అవినాష్ తన యూట్యూబ్ ఛానల్ ద్వారా ఒక వీడియో రూపంలో తెలియజేశారు. అలాగే తన భార్యకు సీమంతపు వేడుకలను ఘనంగా నిర్వహించారు. ఇటీవల తన భార్య మెటర్నటీ ఫోటోషూట్ కి సంబంధించినటువంటి ఫోటోలను ఈయన సోషల్ మీడియాలో షేర్ చేస్తూ త్వరలోనే తల్లిదండ్రులుగా మారబోతున్నాము అంటూ వ్యక్తం చేశారు. అయితే ఆ ఆనందం ఎక్కువ రోజులు లేదని తెలుస్తుంది.

ప్రశ్నలు అడిగి బాధ పెట్టదు..

ఇటీవల అవినాష్ సోషల్ మీడియా వేదికగా తాము తల్లిదండ్రులుగా మారబోతున్నామని సంతోషించాము. కానీ బిడ్డను మేము కడుపులోనే కోల్పోయామంటూ అవినాష్ ఈ విషయాన్ని వెల్లడించారు నా అభిమానులను నా కుటుంబంగా భావిస్తాను అందుకే ఈ విషయాన్ని మీతో చెప్పాల్సిన బాధ్యత నాపై ఉంది అంటూ ఈయన పురిటి లోనే తన బిడ్డను కోల్పోయినట్టు తెలిపారు. ఇక ఈ విషయం గురించి ఎక్కువగా నన్ను ప్రశ్నలు అడిగి బాధ పెట్టకండి అంటూ ఈయన తన ఆవేదన బయటపెట్టారు.