Brahmanandam: లారీలకు పెయింట్స్ వేసేవాడిని.. బ్రహ్మానందం చదువు కోసం ఇన్ని కష్టాలు పడ్డారా?

Brahmanandam: హాస్యబ్రహ్మ బ్రహ్మానందం తెలుగు చిత్ర పరిశ్రమలో ఎన్నో వందల సినిమాలలో నటించి కమెడియన్ గా మంచి గుర్తింపు సంపాదించుకున్నారు. అయితే ప్రస్తుతం ఈయన తన విలువైన సమయాన్ని ఎక్కువగా తన కుటుంబానికే కేటాయిస్తూ కుటుంబ సభ్యులతో సంతోషంగా గడుపుతున్నారు. బ్రహ్మానందం వృత్తిపరంగా తెలుగు లెక్చరర్ అనే సంగతి మనకు తెలిసిందే. ఇక ఈయన ఇంటి దగ్గర ఎక్కువగా ఉండడంతో తన ఆత్మ కథను తానే స్వయంగా రాసుకున్నారు.

నేను మీ బ్రహ్మానందం అనే పుస్తకం ఇటీవల చిరంజీవి చేతుల మీదుగా ఆవిష్కరించిన సంగతి తెలిసిందే ఇందులో ఈయన తన జీవితంలో జరిగినటువంటి సంఘటనలన్నింటిని కూడా తెలియజేశారు. అయితే ఈయన చదువుతున్నప్పుడు పడినటువంటి కష్టాలను ఈ సందర్భంగా తన ఆత్మకథ పుస్తకంలో తెలియజేశారు. తనలో ఉన్నటువంటి టాలెంట్ చూసి చాలామంది తనని ప్రోత్సహించారని చాలామంది సహాయంతో తాను చదువుకున్నానని తెలిపారు.

ఇక తాను ఆంధ్ర యూనివర్సిటీలో ఎంఏ తెలుగు చేస్తున్నటువంటి సమయంలో హాస్టల్లో ఉండి చదువుకోవడానికి డబ్బు అవసరమైంది అయితే ప్రతిదీ ఇతరుల మీద ఆధారపడి బ్రతకకుండా ఏదైనా చిన్న పని చేద్దామంటూ ఈయన తన కాలేజీకి వెళ్లే దగ్గర లారీలకు పెయింటింగ్ వేసే షాపు కనిపించింది దీంతో అక్కడికి వెళ్లి ఏదైనా పని ఉందా అని అడగడంతో సహాయకుడిగా తనని చేర్చుకున్నారని ఈ పుస్తకంలో తెలిపారు.

అదే నా మొదటి సంపాదన..

ఇలా ప్రతిరోజు ఉదయం కాలేజీకి వెళ్లి సాయంత్రం ఆ లారీ షాప్ లో పనిచేస్తూ లారీలకు పెయింటింగ్ వేసే వారిని అప్పట్లో నెల జీతం అని కాకుండా పనిబట్టి డబ్బులు ఇచ్చేవాళ్ళు అలా నాకు నాలుగు రూపాయలు ఐదు రూపాయలు ఇచ్చే వాళ్ళు ఇదే నా మొదటి సంపాదన అని అప్పట్లో ఈ డబ్బులు అంటే చాలా ఎక్కువ అంటూ బ్రహ్మానందం తన మొదటి సంపాదన గురించి తన ఆత్మ కథ పుస్తకంలో ఈ సందర్భంగా తెలియజేశారు.