Baby Varalakshmi: స్టార్ హీరోలకు చెల్లిగా నటించిన బేబీ వరలక్ష్మి ఆస్తి ఎన్ని కోట్ల తెలిస్తే షాక్ అవ్వాల్సిందే!

Baby Varalakshmi: సినిమా ఇండస్ట్రీలో హీరో హీరోయిన్లుగా రాణిస్తున్న వాళ్లు మాత్రమే కాకుండా క్యారెక్టర్ ఆర్టిస్టులు కూడా బాగా సంపాదించి కోట్ల రూపాయల ఆస్తులు వెనకేసుకుంటున్నారు. ఈ క్రమంలో ఎంతో మంది క్యారెక్టర్ ఆర్టిస్టులు ఖరీదైన ఇల్లు, కార్లు కొనుగోలు చేసి కోట్ల రూపాయల ఆస్తులు కూడా సంపాదించుకుంటున్నారు. ఇదిలా ఉండగా 30 ఏళ్లుగా సినిమా ఇండస్ట్రీలో రాణిస్తూ స్టార్ హీరోలకు చెల్లిగా నటించి గుర్తింపు పొందిన బేబీ వరలక్ష్మి గురించి ప్రత్యేకంగా పరిచయం చేయాల్సిన అవసరం.

చైల్డ్ ఆర్టిస్ట్ గా సినిమా ఇండస్ట్రీలో అడుగుపెట్టిన బేబీ వరలక్ష్మి ఆ తర్వాత టాలీవుడ్ ఇండస్ట్రీలోని స్టార్ హీరోలందరి చెల్లెలిగా నటించి మంచి గుర్తింపు పొందింది. ఆ తర్వాత 19 ఏళ్ల వయసులో వివాహం చేసుకొని పాప పుట్టిన తర్వాత ఇండస్ట్రీకి దూరం అయింది. కొంత కాలం తర్వాత సీరియల్స్ లో నటిస్తూ బుల్లితెర ప్రేక్షకులకు దగ్గరయింది. ఇలా కొంతకాలం సీరియల్స్ లో నటిస్తూ ప్రేక్షకులను ఆకట్టుకున్న వరలక్ష్మి చాలా కాలంగా ఇండస్ట్రీకి దూరంగా ఉంటుంది.

ఇక ఇటీవల ఒక ఇంటర్వ్యూలో పాల్గొన్న బేబీ వరలక్ష్మి తన సినీ జీవితం గురించే కాకుండా వ్యక్తిగత విషయాల గురించి కూడా వెల్లడించింది. ఈ ఇంటర్వ్యూలో బేబీ వరలక్ష్మి మాట్లాడుతూ.. ఎన్టీఆర్ ఏఎన్నార్ చిరంజీవి బాలకృష్ణ నాగార్జున వంటి స్టార్ హీరోలకు చెల్లిగా నటించానని, ఇక ఇప్పుడు వారి పిల్లలకు తల్లిగా నటించాలని కోరికగా ఉందని తన మనసులో మాట బయట పెట్టింది.

Baby Varalakshmi: స్కూల్ ఫీజులు కట్టేకే సరిపోయేది కాదు…

ఇక ఈ ఇంటర్వ్యూలో బేబీ వరలక్ష్మి ఆస్తుల వివరాల గురించి యాంకర్ ప్రస్తావించగా ఆమె స్పందిస్తూ.. చైల్డ్ ఆర్టిస్ట్ గా చేసే సమయంలో తనకి ఇచ్చే రెమ్యునరేషన్ స్కూల్ ఫీజులు కట్టడానికి కూడా సరిపోయేది కాదని వెల్లడించింది. ఆ తర్వాత చెల్లి పాత్రలలో నటించటం వల్ల కొంచం ఎక్కువగానే రెమ్యునరేషన్ ఉండేదని చెప్పుకొచ్చింది. అయితే తాను సినిమాలలో నటించిన సమయంలో కొంతవరకు ఆస్తులు కూడబెట్టుకున్నానని అవి ఉండటం వల్ల ఇప్పుడు ఏ ఇబ్బందీ లేకుండా సంతోషంగా జీవిస్తున్నానని తెలిపింది. అయితే మరి వందల కోట్లు విలువ చేసే ఆస్తులు కాకుండా కొంత మేరకు ఆస్తులు ఉన్నాయని వివరించింది.