Bakka Judson : ఒకేసారి 16 మంది సినిమా వాళ్ళపై డ్రగ్స్ కేసు వేశారు… ఇదంతా కేటిఆర్ ప్లాన్…!

Bakka Judson : దేశంలో ఎక్కడ డ్రగ్స్ దొరికి పట్టుబడ్డా, ఏదైనా విషయం డ్రగ్స్ కి సంబంధించినా ఆ కేసుకు తెలంగాణ రాష్ట్రానికి లింక్ ఉంటుందంటూ బక్క జడ్సన్ ఫైర్ అయ్యారు. తెలంగాణ ప్రభుత్వానికి వ్యతిరేకంగా ఉద్యమిస్తూ ఉన్న బక్క జడ్సన్ ఈసారి ముఖ్యమంత్రి తనయుడు కేటీఆర్ కి ఓపెన్ ఛాలెంజ్ విసిరారు. ఏకంగా బక్క జడ్సన్ తన రక్తం, వెంట్రుకలు అలానే గోర్లు వంటి నమూనాలను ఇచ్చి డ్రగ్స్ టెస్టు చేయండి అంటూ మీడియా ముందు పెట్టారు అలానే కేటీఆర్ కూడా తన రక్త ఇతరత్రా నమూనాలను ఇచ్చి టెస్టు చేయించుకోవాలని ఛాలెంజ్ చేసారు. ఇక సినిమా ఇండస్ట్రీ మీద డ్రగ్స్ కేసు విషయం మాట్లాడారు బక్క జడ్సన్.

16 మంది మీద డ్రగ్స్ కేసు అందుకే…

టాలీవుడ్ ఇండస్ట్రీలో డ్రగ్స్ కలకలం రేగి ఏకంగా 16 మందిని విచారించారు డ్రగ్స్ కేసులో. అందులో హీరో రవితేజ, ఛార్మి, రానా, పూరీ జగన్నాథ్, రకుల్ ప్రీత్ సింగ్ వంటి వారు ఉన్నారు. ఇక ఈ కేసులో వారి రక్త ఇతరత్రా నమూనాలను సేకరించి పరీక్షలు నిర్వహించి కొద్ది రోజులు వైరల్ చేసినా ఆ తరువాత సైలెంట్ అయిపోయారు. ఆ తరువాత ఏడాదికి సుశాంత్ సింగ్ రాజ్ పుత్ సూసైడ్ వెనుక డ్రగ్స్ కుంభకోణం వెలుగులోకి వచ్చింది. అక్కడ తీగ లాగితే డొంక హైదరాబాద్ లో దొరికింది. ఇక్కడ ముఖ్యంగా రకుల్ ప్రీత్ సింగ్ పేరు వినిపించి ఈడీ విచారణకు కూడా హాజరైంది.

ఇదంతా జరిగాక కూడా హైదరాబాద్ లో తెలుగు ఇండస్ట్రీలోని వారిపై పెట్టిన డ్రగ్స్ కేసు ముందుకు కదలలేదు. దీనికి కారణం కేవలం సినిమా ఇండస్ట్రీ మీద పట్టు ఉంచుకోడానికి కేటీఆర్ చెసిన ప్లాన్ అంటూ బక్క జడ్సన్ అభిప్రాయపడ్డారు. ఆ కేసులో ఉన్న వారందరికీ సినిమా ఫంక్షన్స్ కి చీఫ్ గెస్ట్ గా కేటీఆర్ వెళ్తాడు అంటూ కామెంట్స్ చేసారు. అలా వెళ్లిన ఈవెంట్స్, పార్టీస్ కి సంబంధిచిన యూట్యూబ్ ఇతర సామాజిక మాధ్యమాల లింక్స్ ఈడీ అధికారులకు ఇచ్చి కేటీఆర్ ను విచారించండి అని ఫిర్యాదు చేసినా రెండు రోజులకే డ్రగ్స్ కేసులో ఉన్న 16 మంది మీద కేసును రంగారెడ్డి కోర్ట్ కొట్టేసింది అంటూ బక్క జడ్సన్ ఆరోపించారు.