Balagam Movie: కానిస్టేబుల్ పరీక్ష పత్రంలో బలగం సినిమా ప్రశ్న..?

Balagam Movie: ఇటీవల చిన్న సినిమాగా విడుదలై బ్లాక్ బస్టర్ హిట్ గా నిలిచిన బలగం సినిమా ప్రేక్షకులను బాగా ఆకట్టుకుంది. వేణు దర్శకత్వం వహించిన ఈ సినిమా ప్రేక్షకుల మనసులను హత్తుకుంది. దీంతో ఎవరు ఊహించని విధంగా ఈ సినిమా బ్లాక్ బస్టర్ హిట్ అందుకుంది. అంతేకాకుండా అంతర్జాతీయ స్థాయిలో ఈ సినిమాకు ఎన్నో అవార్డులు కూడా వరించాయి.

ఇక ఈ సినిమాలోని నటీనటులందరూ కూడా తమ పాత్రలలో జీవించారు. ఇప్పటికీ పల్లెల్లో తెరమీద ఈ సినిమా కనిపిస్తూనే ఉంది. ఇదిలా ఉండగా బలగం సినిమా గొప్పదనాన్ని చాటే మరొక సంఘటన ఇటీవల చోటుచేసుకుంది. ఇటీవల తెలంగాణలో కానిస్టేబుల్ పోస్టుల భర్తీకి పరీక్షలు నిర్వహించారు. ఈ కానిస్టేబుల్ పరీక్షలలో బలగం సినిమా గురించి కూడా ఒక ప్రశ్న ఉంది. ఇలా కానిస్టేబుల్ పరీక్షలు బలగం సినిమా గురించి ప్రశ్న అడగడంతో ఈ సినిమాకు ఉన్న గొప్పతనం ఏమిటో అర్థమవుతుంది.

ఇటీవల మార్చి 2023లో నిర్వహించిన ఓనికో ఫిల్మ్ అవార్డుల ప్రధానోత్సవంలో బలగం సినిమాకి ఒక అవార్డు దక్కింది. ఈ క్రమంలో ఓనికో ఫిల్మ్ అవార్డుల జాబితాలో ఏ విభాగంలో బలగం సినిమాకి పురస్కారం లభించింది అనే ఆబ్జెక్టివ్ టైప్ ప్రశ్నకి ఉత్తమ డాక్యుమెంటరీ, ఉత్తమ నాటకం, ఉత్తమ దర్శకుడు, ఉత్తమ సంభాషణ అనే నాలుగు ఆప్షన్లు ఇచ్చారు. ఇక ఈ ప్రశ్నకు ఉత్తమ నాటకం అనేది సరైన సమాధానం.

Balagam Movie: ఎన్నో పురస్కారాలు అందుకున్న బలగం…

ఇటీవల జరిగిన ఓనికో ఫిల్మ్ అవార్డుల ప్రధానోత్సవం లో ఉత్తమ నాటకం అనే విభాగంలో బలగం సినిమా అవార్డు అందుకుంది. ప్రతి ఇంట్లో జరిగే సన్నివేశాల గురించి ఈ చిత్రంలో కళ్ళకు కట్టినట్టు చూపించారు. ప్రస్తుతం మనుషుల మధ్య ప్రేమాభిమానాలు తగ్గిపోయి రక్తసంబంధాలను కూడా మర్చిపోతున్నారు. ఈ తరుణంలో బలగం సినిమా అందరికీ కనువిప్పు కలిగించింది.