Balakrishna : బాలయ్య, శ్రీ దేవి కాంబినేషన్ ఎందుకు ఆగిపోయిందో తెలుసా?? అసలు కారణం అదే…!

Balakrishna : అలనాటి అందాల తార శ్రీ దేవి తన సినిమా కెరీర్ లో హీరోలతో సమానంగా క్రేజ్ అలాగే రెమ్యూనరేషన్ అందుకున్న నటి. సూపర్ స్టార్ గా ఎదిగిన శ్రీ దేవితో పాతతరం నటులైన ఎన్టీఆర్, ఏఎన్ఆర్, కృష్ణ, శోభన్ బాబు, కృష్ణం రాజు ఇలా అందరి హీరోలతో నటించింది. ఇక కొత్త తరం నటుల్లో చిరంజీవి, వెంకటేష్, నాగార్జున తో కూడా నటించింది హిట్లు అందుకున్న ఈ ముద్దు గుమ్మ బాలకృష్ణ తో మాత్రం నటించలేదు. ఒకటి రెండు సార్లు వీరిద్దరి కాంబో సెట్ అయినా చివరి నిమిషంలో హీరోయిన్ మారిపోయింది.

ఆ కారణాల వల్ల కాంబినేషన్ కుదరలేదు…

బాలకృష్ణ శ్రీ దేవి కాంబినేషన్ లో మొదటగా సినిమా చేయాలని భావించింది మాత్రం దర్శకేంధ్రుడు రాఘవేంద్ర రావు. ఆయన బాలకృష్ణ శ్రీ దేవి కాంబోలో ‘సాహస సామ్రాట్’ సినిమా చేయాలని భావిస్తే ఎందుకనో ఎన్టీఆర్ గారు వద్దన్నారట. దీంతో ఆ సినిమాలో హీరోయిన్ గా విజయశాంతిని తీసుకున్నారు. ఇక మరోసారి వీరి ఇద్దరి కాంబినేషన్ ట్రై చేసింది కోదండ రామిరెడ్డి. ఆయన బాలకృష్ణ తో చేసిన సినిమా ‘భలే దొంగ’ లో మొదట శ్రీ దేవి ని హీరోయిన్ గా తీసుకోవాలని అనుకున్నారట.

శ్రీ దేవి కూడా కోదండ రామిరెడ్డి అడుగుంటే ఖచ్చితంగా ఒప్పుకుని ఉండేవారు అయితే ఆ సమయంలో నందమూరి అభిమానులు అభ్యంతరం చెప్పి ఏకంగా ఎన్టీఆర్ వద్దకు వెళ్లి వద్దని చెప్పారట. దీంతో మరోసారి ఎన్టీఆర్ గారు ఆ కాంబినేషన్ కి నో చెప్పేసారు. అంతే కాకుండా బాలకృష్ణ కూడా తండ్రి ఎన్టీఆర్ కు హిట్ పెయిర్ గా నిలిచిన హీరోయిన్ తనకు తల్లితో సమానం అని భావించి చేయడాని నిరకరించారనే టాక్ కూడా ఉంది. ఏది ఏమైనా ఈ ఇద్దరి కాంబోలో ఒక సినిమా వచ్చుంటే ఎలా ఉందేదో మరి.