Balakrishna : నందమూరి నటసింహం బాలయ్య అటు పౌరణికాలు, జానపద, సాంఘిక ఇలా అన్నిరకాల చిత్రాలలో నటించి మెప్పించారు. తండ్రి లాగే తన వాక్ పటిమతో, అభినయంతో అలరించారు. ఆరు పదుల వయసులో కూడా కుర్రహీరోలతో సమానంగా హిట్లు కొడుతూ గట్టి పోటీ ఇస్తున్నారు. కరోనా లాక్ డౌన్ తరువాత మళ్ళీ థియేటర్లకు పండగ తెచ్చాడు అఖండ సినిమాతో. అభిమానులకు మరోసారి జాతర చేయించాడు. అఖండ సినిమాలో మురళి కృష్ణ పాత్రలో ఎంత బాగా నటించాడో, అఖండ పాత్రలోనూ అంతే ఒదిగిపోయాడు. ఇక ఆహా ఒరిజినల్స్ ప్రసారమయ్యే అన్ స్టాపబుల్ షో ద్వారా బాలయ్య అంటే ఏంటో చూపించాడు. కేవలం అభిమానులకే కాదు, కామన్ ఆడియన్స్ ని కూడా తన ఎనర్జెటిక్ పెర్ఫార్మన్స్ తో మెప్పించాడు. నిజానికి ఆహా కు సబ్ స్క్రైబర్లు పెరిగారంటే దానికి బాలకృష్ణనే కారణం.
నెగెటివ్ పాత్రలో మెప్పించాలని ఉందట……
ఇక బాలయ్యబాబు అటు క్లాస్ పాత్రాల్లోను మెప్పించాడు, ఇక మాస్ ఫ్యాక్షన్ సినిమాలంటే బాలయ్య బాబు ఫ్యాన్స్ కి ఫుల్ మీల్సే. ఇప్పటివరకు రకరకాల పాత్రల్లో నటించిన తేడా సింగ్ కి ఒక్క కోరిక మాత్రం తీరలేదట. అదే పూర్తి స్థాయిలో విలన్ గా నటించాలనే కోరిక. ఇప్పటికీ చాలా మంది దర్శకులకు ఆఫర్ కూడా ఇచ్చారట. ఒక పవర్ ఫుల్ విలన్ పాత్రను తనకోసం రూపొందించమని అడిగాడట. ఇక ఇతర హీరోలతో కలిసి మల్టీ స్టార్రర్ కి కూడా సిద్ధమని గ్రీన్ సిగ్నల్ ఇచ్చాడట కానీ ఇంతవరకు బాలకృష్ణ కోరిక మాత్రం తీరలేదు. సుల్తాన్ వంటి సినిమాల్లో నెగెటివ్ షేడ్ పాత్రలో నటించినా పూర్తి స్థాయిలో ఇంతవరకు నటించలేదు. ప్రస్తుతం కుర్ర దర్శకులతో సినిమాలు చేస్తున్న బాలయ్య తాజాగా గోపీచంద్ మలినేని దర్శకత్వములో ఒక సినిమా చేస్తున్నారు. నేడు బాలయ్య పుట్టినరోజు సందర్బంగా ట్రైలర్ విడుదల చేసింది చిత్ర యూనిట్.
ఇక బాలయ్య పవర్ యాక్షన్ డైలాగులు అభిమానులను ఫిదా చేసాయి. ఇక సినిమా ఎలా ఉండబోతోందో ట్రైలర్ తో చెప్పేసాడు గోపీచంద్. ఇక ఈసినిమాలో బాలయ్య కి జోడిగా శృతి హాసన్ నటిస్తోంది. బాలయ్య బ్లాక్ షర్ట్ వైట్ గడ్డం లుక్ అయితే అదుర్స్ అనేలా ఉంది. బోయపాటి తరువాత బాలయ్యను ఇంత పవర్ ఫుల్ గా గ్లామరస్ గా చూపింది గోపీచంద్ అనే చెప్పాలి. విభిన్న పాత్రలు చేయాలనుకుంటున్న బాలయ్యను విలన్ గా ఏ దర్శకుడు చూపిస్తాడో బాలయ్య కోరికను తీరుస్తాడో చూడాలి.
హైదరాబాద్, సికింద్రాబాద్ వంటి జంటనగరాల్లోనే కాకుండా విశాఖపట్నం, విజయవాడ, బళ్ళారి, కాకినాడ, గుంటూరు, కర్నూల్, ఒంగోలు, నెల్లూరు, రాజమండ్రి వంటి…
ప్రతి మహిళ జీవితంలో నెలసరి ఒక సహజమైన శారీరక ప్రక్రియ. ఈ సమయంలో ఉపయోగించే శానిటరీ ఉత్పత్తులు ఆరోగ్యాన్ని, సౌకర్యాన్ని…
భారత క్రికెట్ అభిమానుల్లో అత్యధిక మద్దతు ఉన్న ఆటగాళ్లలో వికెట్ కీపర్ బ్యాటర్ సంజూ శాంసన్ ఒకరు. అతను జట్టులో…
తెలంగాణ ప్రభుత్వం ప్రభుత్వ పాఠశాలల్లో చదివే విద్యార్థులకు మరో కీలక శుభవార్త చెప్పింది. డిజిటల్ విద్యను మరింత బలోపేతం చేయడంతో…
ఆంధ్రప్రదేశ్లోని డ్వాక్రా (DWCRA) మహిళలకు రాష్ట్ర ప్రభుత్వం శుభవార్త అందించింది. మహిళా స్వయం సహాయక సంఘాల ఆర్థిక భారం తగ్గించే…
బెంగళూరులోని ప్రముఖ ఐటీ సంస్థ క్యాప్జెమిని (Capgemini) క్యాంపస్లో ఉన్న డే కేర్ సెంటర్లో చిన్నారిపై జరిగిన అమానుష ఘటన…