Bandla Ganesh : చిరంజీవి, బాలకృష్ణ బాగానే ఉంటారు.. మధ్యలో మనకెందుకు.. తమ్మినేని సీతారామ్ గతాన్ని మర్చిపోతే ఎలా??: బండ్ల గణేష్

Bandla Ganesh : క్యారెక్టర్ ఆర్టిస్ట్ గా చిన్న చిన్న పాత్రలు వేస్తూ ఇండస్ట్రీలో తనకంటూ ఒక గుర్తింపు తెచ్చుకున్న బండ్ల గణేష్ ఆ తరువాత ప్రొడ్యూసర్ గా మారి సినిమాలను నిర్మించారు. ఎన్నో కాంట్రావెర్సీలకు కేర్ ఆఫ్ గా నిలబడిన బండ్ల గణేష్ ఒకప్పుడు స్టార్ హీరోల్తో సినిమాలను తీసి వరుస హిట్లను చూసారు. ప్రస్తుతం సినిమా నిర్మాణంలో లేకపోయినా పాలిటిక్స్ గురించి అలానే సినిమా ఇండస్ట్రీ గురించి తనదైన శైలిలో మాట్లాడుతూ బాగా సోషల్ మీడియాలో నానే బండ్ల అన్న తన సినిమాల గురించి సినిమా నిర్మాణం గురించి సినిమా హీరోల గురించి ఆసక్తికర వాఖ్యలను చేసారు.

వాళ్ళు వాళ్ళు బాగానే ఉంటారు… మధ్యలో మనమే…

బండ్ల గణేష్ మొదటి నుండి మెగా కాంపౌండ్ కి దగ్గరగా ఉండేవారు. చిరంజీవి తనకు చాలా ఇష్టమైన హీరో అంటూ తెలిపిన ఆయన తనకు క్యాస్ట్ ఫీలింగ్ కమ్యూనిటీ అంటూ ఫీలింగ్స్ లేవంటూ తెలిపారు. అందుకే నా కమ్యూనిటీ వాళ్లకు దగ్గరగా లేనని చెప్పారు. ఇక బాలకృష్ణ గారితో పరిచయం ఎక్కువగా లేదని, చిరంజీవి గారంటే చాలా ఇష్టమని అందుకే ఆయన కుటుంబంతో సన్నిహితంగా ఉన్నానని చెప్పారు. అయినా చిరంజీవి, బాలకృష్ణ అనే కాంపౌండ్ అంటూ మనం అనుకోవడమే, వాళ్ళు వాళ్ళు ఎపుడూ కలిసి ఉంటారు మధ్యలో మనమే గొడవపడేది వాళ్ళ కోసం అవసరమా అంటూ మాట్లాడారు.

ఇక పాలిటిక్స్ గురించి నేను మాట్లాడను అంటూనే ఏపీ స్పీకర్ తమ్మినేని సీతారామ్ గురించి మాట్లాడుతూ గతాన్ని ఎలా మర్చిపోతారో అర్థం కాదు అంటూ అభిప్రాయపడ్డారు. తమ్మినేని సీతారామ్ టీడీపీ లో ఉన్నపుడు చూసాను, ప్రజారాజ్యంలోకి వచ్చినపుడు చూసాను ఇప్పుడు వైసీపీ లో చూస్తున్నాను. అయితే గతం మర్చిపోయి ఇంతకు ముందు ఎక్కడ నుండి వచ్చామని మర్చిపోయి టీడీపీ అధ్యక్షుడు చంద్రబాబు ను విమర్శిస్తుంటే ఆశ్చర్యం వేసింది. అసెంబ్లీలో ఏకవచనంతో మాట్లాడినపుడు ఆశ్చర్యంగా అనిపించింది ఇంటూ చెప్పరు.